Pertsona bat atxilotu zuten larunbatean Bilbon, Voxek deituriko auto karabanen aurkako protestetan
Voxen deialdiaren aurrean, protestak izan ziren Iruñeko, Gasteizko nahiz Bilboko kaleetan. Protesta antifaxistetan bildutako hainbat pertsona identifikatu zituzten poliziek, eta Bilbon, pertsona bat atxilo eraman zuten.
Larunbaterako, maiatzak 23, Hego Euskal Herriko hiriburuetan ere auto karabanak deitu zituen Vox alderdiak, hiriburuak "kolapsatzea" helburu. Espainiako Gobernuaren ordezkaritzaren arabera, 250 auto eta moto inguru elkartu ziren Iruñean (Nafarroa). Bilbon (Bizkaia) hogei auto inguru, eta Gasteizen (Araba), dozena bat. Hala, Espainiako banderak hartuta, hainbat errepide gurutzatu zituzten "Espainiaren eta bere askatasunaren alde". Besteak beste, Espainiako Gobernuaren dimisioa eskatu zuten.
Iruñean protesta antifaxistak izan ziren karabana hasi baino minutu batzuk lehenagotik, eta protestan bildutakoen aurka egin zuen Espainiako Poliziak: identifikatu eta miatu egin zituen, eta karabana babesten jardun zuen. Gasteizko karriketan ere protesta artean hartu zituzten Voxen karabanako manifestariak, eta Poliziak zenbait lagun identifikatu zituen.
Bilbon ere eguerdi aldera zeharkatu zituen errepideak Voxek deitutako karabanak. Bide Nagusitik igaro ziren manifestari faxistak, eta hainbat pertsona bildu ziren espaloietan, faxismoaren aurka protesta egiteko. Kasu horretan ere, protesta antifaxistetan bildutako hainbat pertsona identifikatu zituen Ertzaintzak.
Gainera, pertsona bat eraman zuten atxilo poliziek karabana amaitzean. Lakuako Segurtasun Sailaren arabera, udaltzainei kontra egin zien identifikatzera zihoazenean. Hala, bi udaltzaini eraso egitea egotziko diotela jakinarazi dute.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]