Paul Rios: “Gizartearen adostasunek erakutsi dezakete bakerako bidea”

  • Elkarrizketa eta bizikidetza izeneko nazioarteko mintegia egingo da Donostiako Kursaalen gaur; eta bihar Baionan berriz, Bake Foroa. Paul Rios Lokarriko koordinatzaileak Berriari adierazi dionez, ekitaldiarekin bake prozesuan herritarren parte hartzea eta elkarbizitzari buruzko hausnarketa bultzatu nahi dituzte.


2012ko abenduaren 14an - 00:00
Azken eguneraketa: 2015-02-26 13:37:33
Paul Rios Lokarriko koordinatzailea.

Gaurko zein biharko ekitaldietan aditu ugari izango dira, esaterako Brian Currin abokatu hegoafrikarra.

Baionako Bake Foroari dagokionez, Riosek azpimarratu du Ipar Euskal Herriak azkenaldian bake prozesuan hartu duen garrantzia. Aieteko konferentzia egin zenetik herritarren artean interes handiagoa nabaritu du Riosek eta Baionako foroarekin Ipar Euskal Herriaren parte hartzea bultzatu nahi dute.  

Gizarteak prozesuan garrantzi handia izango duela iruditzen zaio Lokarriko kideari. Gizarteak berak parte hartzeko ekitaldiak eskatu behar dituela adierazi du eta gaur egunean gure herrian dagoen kohesio soziala aprobetxatu beharra dagoela. “Gizartean adostasun batzuk izaten ari dira eta horiek erakutsi dezakete bakerako instituzio eta politikoek hartu beharreko bidea”.

Bake prozesuari begira jarrita bi irudipen dituela azaldu du. Egoera oso baikorra iruditzen zaio, ETAk armak utzi eta bere erabakia irmoa dela ziurtatzea eta Sortu legeztatu izana. Baina jarri diren baldintza batzuk ez direla betetzen uste du. Espainiako eta Frantziako gobernuen eta ETAren arteko harremanen falta nabarmendu du Riosek.


Kanal honetatik interesatuko zaizu: Brian Currin
2018-10-09 | ARGIA
Brian Currinen harremanetarako taldea desegin da, Euskal Herrian egin beharreko lana amaitutzat emanda

Brian Currinek gidatutako Harremanetarako Nazioarteko Taldeak (HNT) iragarri du bere lana bukatu duela, agindu zitzaion lanaren parte handi bat bete dela ulertuta. Naiz-ek aurreratu duenez, hurrengo astean baloratuko dute Euskal Herriko gatazka armatuaren amaiera lortzeko... [+]


2015-03-10 | Igor Agirre
"Ez da armagabetzerik izango Espainiako Gobernuaren konpromisorik gabe"

Brian Currin Nazioarteko Harreman Taldeko kidea elkarrizketatu du Diagonal hamabostekariak. Lokarriren agur ekitaldian izan da Currin eta azaldu du Espainiako Gobernuak presoen gaia ez eztabaidatzeak "bake prozesua luzatzea" dakarrela.


Bake prozesuari sastrakak kendu nahi dizkio Currinek Euskal Herrira egingo duen bisitan

Harremanetarako Nazioarteko Taldea (HNT) urri bukaeran edo azaro hasieran iritsiko da alderdi eta eragile sozialekin hitz egiteko. Hauteskundeen ostean bakerako oztoporik ez egotea nahi dute.


2014-03-03 | Mikel Asurmendi
Brian Currin Baionako Bakerako Foroan: "Prozesua bide onean doa"

Brian Currin mintzo: “Prozesua bide onean doa. EPPK-k eta iheslariek marko legala onartu dute. Politikoak engaiatu dira, gehienak, ez denak. EAJ eta Urkullu lehendakaria, lehen aldiz. Estatuak ez, orainokoan. NHTko ordezkariak poliziak galdekatuak izan ginen atzo... [+]


2013-05-20 | Jon Torner Zabala
Currin: "ETA ez da indarkeriara itzuliko, baina zatiketak izan litezke"

Brian Currin abokatu eta Harremanetarako Nazioarteko Taldeko (HNT) kidea elkarrizketatu du Público egunkariak. ETAren barruan gerta litekeen zatiketari dagokionez, argi utzi du berak ez duela halakorik aurreikustera eraman gaitzakeen inolako informaziorik. "Beste... [+]


Eguneraketa berriak daude