Parte hartzea lehen itzulian baino apalagoa izaten ari da herrietako hauteskundeetan

  • Bozkatzeko ordu bat gelditzen dela, %44,96koa da parte hartzea Ipar Euskal Herria eta Biarno biltzen dituen departamenduan. Ipar Euskal Herriko 18 herrietan dute bozketen bigarren itzulia (beste 140 herrietan lehen itzulian argitu ziren auzapeza eta herriko kontseilua). Emaitzen berri emanen dugu 18:30tatik aurrera sare sozialetan zein www.argia.eus webgunean.


2020ko ekainaren 28an - 17:18

Sekulan baino parte hartze apalagoa izan zen martxoaren 15eko lehen itzulian eta, 17:00etan emandako datuei segi, are apalagoa izanen da bigarren itzulikoa. Ipar Euskal Herria eta Biarno biltzen dituen departamenduan adibidez, %44,96ekoa zen 17:00etan –martxoaren 15ean %52,17koa zelarik ordu berean–. 18:00tan hetsiko dituzte bozka bulegoak.

Lehen itzulia martxoaren 15ean burutu zuten Ipar Euskal Herriko 158 herrietan eta bigarren itzulia dute gaur ondoko hemezortzi herrietan: Aldude, Amenduze, Azkaine, Baiona, Bidaxune, Bildoze, Bokale, Miarritze, Hendaia, Itsasu, Landibarre, Larrañe, Maule, Senpere, Urketa, Urruña, Uztaritze eta Ziburun.

Erreportaje honetan irakurri dezakezue gaurko bozketen aurkezpena, besteak beste Baiona, Miarritze, Senpere, Maule,Hendaia, Itsasu, Ziburu, Uztaritze eta Urruñako lehien azalpenarekin: "Gehiengoan kokatzeko eta auzapezgoak irabazteko aukerak dituzte abertzaleek".


Kanal honetatik interesatuko zaizu: Herri bozak 2020
2021-08-04 | Euskal Irratiak
Bokaldarrek berriz bozkatu beharko dute, iazko herriko bozetan iruzur elektoralak izan zirela erabaki baitu auzitegiak

Hauteskunde egunean, oposizioak ohartarazi bi akats nagusi onartu ditu epaileak.


2021-07-19 | ARGIA
Marie-José Mialocq Arbonako alkate berrautatu dute

Marie-José Mialocq-ek Arbonako hauteskundeak bigarren aldiz irabazi ditu. 2020ko martxoko bozketan Beñat Arlaren zerrendak helegitea jarri zuen eta auzitegiak onartu. Uztailaren 18an egin dituzte hauteskundeak bigarren aldiz.


2020-07-12 | Aritz Galarraga
HUMANITATEAREN UNE GORENAK
Barne kolonialismoa

Aktualitatea ez zait batere interesatzen –zutabe hauetarako, bistan da; bestela aktualitatearen kontsumitzaile ohikoa naiz, are garaiaren arabera tiraniaren menpekoa–; baina batzuetan iruditzen zait azkar asko ahaztuko dugun txikikeriaren batek erakuts dezakeela... [+]


Herri bozak 2020: bigarren itzulia
Xinaurri lanaren uzta

Bigarren itzuli honetan ere urtetako lanaren emaitza lortu dute abertzale ezkertiarrek: Ziburun, Urruñan eta Itsasun auzapez izango dira. Bozketen lehen itzulian Biriatun eta Donapaleun irabazirik, Uztaritzen eta Baigorrin 2014ko garaipen historikoa berriz ere... [+]


Joseba Erremundegi, Etxegaraien zerrendako abertzale ezkertiarra
"Masa euskalduna iratzartzea lortu behar dugu"

Jean-Rene Etxegaraien zerrendan aurkezteko hautua egin zuen Joseba Erremundegi abertzale eta euskaltzaleak. Justuki abertzale eta euskaltzale den horri luzatu dizkiogu bizpahiru galdera, hautatu duen zerrenda ez delako abertzalea eta eskuinekoak ere dituelako bere taldean.


Eguneraketa berriak daude