Parisko fiskaltzak monumentuan gertatzen ari den hondamendiak zabaldu duen inkesta zentratu da, prentsak zabaldu duenez, eraikina zehar-berritze lanean istripua gertatu dela hipotesian, eta horrela haizatu dira nahita eragindako erasoren bat izan ote zitekeen beldurra. 800 urte dituen katedralak sekulako kalteak nozitu ditu suteagatik, batik bat eraikuntza tekniken garapena azaltzeko hainbat aldiz aipatzen eta bisitatzen zen zurezko egitura kiskalirik.

Sekulako zirrara eragin du Frantziako estatuan baina baita mundu osoan ere, turismo gehien erakartzen duen monumentu txit ezaguna izaki Notre-Dame katedral zaharra. Hedabideek diotenez, katedrala berreraikitzeko diru-bilketak hasi dira  leku askotan eta katoliko eliztarrek otoitzaldiak antolatu dituzte Parisko beste monumentu ezaguna den Sacre-Coeur katedralean bezala beste hainbat elizetan. Emmanuel Macron lehendakariak iragarri du eraikina berriz osatuko dutela.