“Pertsona askorentzat, Euskal Herrian eta hemendik kanpo, Hondarribia plastiko beltzen hiria da. Hondarribia berdintasunaren hiria bilakatzen laguntzea da Jaizkibel Konpainiaren helburuetako bat. Horregatik antolatu dugu aurten Hondarribia, berdintasunaren hiria saria”, jakinarazi du konpainiak.

Ekainaren azken egunera arte jasoko dituzte proposamenak Jaizkibelen Facebook orrian eta jaizkibelkonpainia@gmail.com helbidean. Ondoren, epaimahai batek erabakiko du nori eman saria.

Pertsona ezagunak epaimahaian

Pertsona hauek erabakiko dute nork jasoko duen lehenbiziko aldiz berdintasunaren aldeko sari hau:

- Nieves Alza (Txingudi saski baloi elkartearen presidente ohia eta Hondarribiako urrezko domina jasotakoa).

- Garbiñe Biurrun (epailea)

- Xabier Lapitz (kazetaria)

- Maialen Lujanbio (bertsolaria)

- Paul Rios (Bakearen eta giza eskubideen aldeko aktibista)

Uztailaren erdialdean jakinaraziko da nor den aurtengo irabazlea.