Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Udal eta Foru hauteskundeak heltzear dauden honetan, Guztion Alardeak Hondarribiko alkate izango denari gutuna plazaratu dio.
Guztion Alardearen iritziz hurrengo alkateak “herritar guztion ondarea zaintzeko konpromiso sendoa” izan beharko luke. Hartara, “orain arte gehiegi sustatu ez den” elkarrizketaren bidetik, “konponbidearen alkate bilakatzea” espero dute.
Gainera, eskakizun bat plazaratu diote alkate izango denari: “berdintasunean zalantza izpirik gabe sinestea, Alardean emakumearen parte hartzeko eskubidea bermatuz”. Zentzu horretan jardun ez gero taldearen babes osoa izango duela ziurtatu dute.
Hona hemen Guztion Alardeak plazaratutako gutuna, oso osorik.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.