36 urteren ostean, Vox eta PPk katalana lehentasunezko hizkuntza ez izatea erabaki dute Palman
Udal komunikazioetarako hizkuntza lehenetsia zen katalana duela 36 urtetatik; orain, berriz, udalak osatu berritan, legea atzera bota du Vox eta Alderdi Popularraren arteko koalizioak. Funtzionarioek herritarrekin halabeharrez gazteleraz komunikatu beharra dute orain.
aurre egingo dieten hedabide independenteak
Palmako (Mallorca, Balear Irlak) Vox eta Alderdi Popularraren koalizio berriak udal komunikazioaren hizkuntz lehentasuna katalana izatetik gaztelania izatera pasatzea erabaki du. 36 urte dira horrela funtzionatu dutela, baina orain arau linguistikoak aldatu dituzte. Horrela erabaki dute uztailaren 27ko udal plenoan.
Orain arte funtzionarioek herritarrarekin hitz egiterako garaian gaztelaniaz edo katalanez egin zezakeen; funtsa zen herritarrak lehen hitza egiten zuenaren arabera jokatu behar zutela funtzionario guztiek. Erabaki berriarekin, ordea, gaztelaniaz hitz egin beharko dute funtzionarioek nahitaez. Vox-en esanetan, “tratu diskriminatzailea” jasotzen zuten katalanez ez dakiten herritarrek.
Hasierako proposamena Vox alderdiarena izan dela jakinarazi du CCMAk, Kataluniako hedabide publikoen korporazioak, eta ezezkorik esateko gai ez dela izan Alderdi Popularra. Bestalde, PSOE eta Más Palmak erabakia arbuiatu dutela azaldu du.
