Pablo Gonzálezen hurbilekoek elkarte bat sortu dute, defentsa gastuei aurre egiteko
Pablo González kazetariak hamar hilabete darama Polonian preso, Poloniak akusazio formalik jarri gabe. Hiru aldiz luzatu diote behin-behineko espetxealdia, azkena azaroan, eta defentsako abokatuak aldiro helegitea jarri du. Hain justu, defentsa gastuak ordaintzeko dirua biltzea da Gonzálezen senide eta lagunek osatu duten elkartearen helburu nagusietakoa.
#FreePabloGonzález elkarteak, halaber, kazetariaren aldeko ekimenak sustatu eta haren eskubideen aldeko borroka kanalizatu nahi du. Oihana Goiriena –kazetariaren bikotekidea– da elkarteko lehendakaria, eta Maribel Martinezek eta Gabino Martinezek osatzen dute zuzendaritza batzordea. Bozeramailea, bestalde, Gonzalezen lankide izandako Juan Teixeira fotokazetaria izango da.
Kasuaren konplexutasuna eta poloniar justiziak jarritako trabak direla-eta, kazetariaren aldeko defentsak gastuak handituz joan dira. Atxilotu zutenetik Gonzalo Boye abokatuaren laguntza du, eta apirilean Bartosz Rogala abokatu poloniarra kontratatu zuten Gonzálezen hurbilekoak. Urriaz geroztik, gainera, zuzenbide penalean aditua den abokatu-bulego baten zerbitzuak ere jasotzen dituzte.
#FreePabloGonzález elkarteko kideek azaldu dutenez, defentsa gastuak –abokatuen soldatak, joan-etorriak, tramite burokratikoak...–ordaintzeko baliatuko da bildutako diruaren parterik handiena, eta beste zati bat kazetariaren mantenura bideratuko da, elikagaiak eta gehigarri bitaminikoak ordaintzera besteak beste. Kutxabanken zabaldu dute kontua (ES31 2095 0043 1091 2213 9880); diru-ekarpena eginda, eskatu dute freepablogonzalez@gmail.com helbidera mezua bidaltzeko, norberaren datu pertsonalekin, familiak aukera izan dezan norbanakoek emandako laguntza pertsonalki eskertzeko.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]