Pablo González kazetariari espetxealdia luzatu diote zortzigarren aldiz

  • Hilaren 28an bi urte beteko ditu Poloniako kartzelan Euskal Herriko kazetariak. Poloniako justiziak ostegun honetan erabaki du beste hiru hilabetez luzatzea behin behineko espetxealdia.


2024ko otsailaren 16an - 09:09

Beste hiru hilabetez gutxienez espetxean jarraitu beharko du Pablo González kazetariak. Hala erabaki du ostegun honetan bere kasuaren ardura duen Poloniako epaitegi batek fiskaltzak eskatu duenari men eginda, Público hedabideak jakitera eman duenez. Zortzigarren aldia da Gonzálezi behin behineko espetxealdia luzatu diotena.

Poloniako zerbitzu sekretuek atxilotu zuten González 2022ko otsailean, Przemyu hirian, Ukrainako mugatik oso gertu, gerra eragiten ari zen migratzaileen krisiaren berri ematen ari zela. Poloniako justiziak Errusiaren espioia izatea leporatu zion, "Errusiako Estatu Nagusiko Inteligentzia Zuzendaritza Nagusiko" agentea. Ordutik, espetxean da bere burua defenditzeko aukerarik gabe. Hamar urteko espetxe zigorra du jokoan.

Bi urteotan asko izan dira bera askatzeko egindako eskaerak Euskal Herrian eta nazioartean, bere aurkako delitu eta frogarik ez dagoela argudiatuta, baita prozesuan Poloniak eskubide ugari urratu izana ere. Esaterako, ukatu egin zioten familiarekin edo konfiantzazko abokatu batekin harremantzeko aukera. Inkomunikatuta mantendu zuten denbora luzez.

Hala, Pablo González euskal herritarra da Europar Batasuneko kazetari bakarra Europar Batasunean bertan espetxeratuta dagoena.


Kanal honetatik interesatuko zaizu: Kazetarien aurkako jazarpena
2024-04-29 | ARGIA
Pablo Gonzalez kazetaria aske uztea eskatu dute beste behin Nabarnizen

Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]


Jesús Rodríguez kazetariak erbestera jo du Auzitegi Nazionalaren jazarpenaren aurrean

Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]


2024-03-01 | Axier Lopez
Prentsa askatasunaren aurkako sokak ez du etenik: oraingoan AraInforen kontra jo dute

Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]


2024-02-22 | Gedar
Absolbitu egin dituzte 'Cubainformación'-eko kazetari bat eta Euskadi-Cuba elkartea

Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]


Cubainformación eta Euskadi-Cuba elkarteko kideei sei urteko kartzela zigorra ezarri nahi diete

Akusazio partikularrak 50.000 euroko kalte-ordaina ere eskatu du Cubainformacióneko José Manzaneda kazetariaren aurka, erreportaje batean emandako edukiagatik.


Eguneraketa berriak daude