Pablo Gonzalez kazetaria Polonian atxilotu zutela astea bete denean, Gonzalo Boye abokatuak azaldu du Gurutze Gorriaren Nazioarteko Batzordeari (ICRC) "babesa" eskatuko diola bere defendatuarentzat. Espainiak Polonian duen kontsulatuaren isiltasuna salatu du abokatuak, eta jakinarazi du pasa den astelehenaz geroztik kazetariak ez duela ez bere familiarekin ez defentsarekin komunikatzeko aukerarik izan.
Errusiako inteligentzia zerbitzuentzat espioi bezala lan egitea leporatzen diote kazetariari, eta hamar urtera arteko espetxe zigorra ezar liezaiokete. Ukrainako mugatik gertu atxilotu zuten, Polonian. Denbora tarte horretan Gonzalezen berririk ez dutela jaso adierazi du bere abokatuak: "Zein osasun egoeran dagoen ere ez dakigu".
"Zuzenbidean ez da linbo juridikorik existitzen eta Pablo jasotzen ari den tratua onartezina da", dio abokatuak. "Horregatik eskatuko diogu ICRCri, gure ustez akusazio faltsuak izanagatik ere, gatazka armatuen kasuan Ginebrako Hitzarmenak jasotzen duen babesa emateko".
Bestalde, igandean, elkarretaratzea egin dute Nabarnizen, kazetaria libre uzteko eskatu eta adierazpen askatasuna aldarrikatzeko, bertako Udalbatzak deituta.
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]