Otsailaren 23an Ertzaintzak atxilotutako Tubacexeko hiru grebalariek Amurrioko epaitegian deklaratu beharko dute
Maiatzaren 11n deklaratu beharko dute grebalariek. Langileak babesteko mobilizazioa egingo dute egun berean.
Ertzaintzak otsailaren 23an atxilotutako Tubacexeko hiru grebalariek maiatzaren 11n Amurrioko epaitegian deklaratu beharko dute. Grebalariei desordena publikoa eta autoritatearen kontrako atentatua leporatzen diete. Aiaraldea.eus-ek jakinarazi duenez, Tubacexeko sindikatuek elkarretaratzea deituko dute Amurrioko epaitegiaren aurrean.
Otsailaren 23an Laudioko Tubacex enpresako lantegiaren atarian istiluak izan ziren. Langileak zuzendaritzaren autobusaren aurrean eserialdia egin zuten eta ertzainek porrak eta foam balak erabili zituzten. Hainbat langile zauritu zituzten. Ertzaintzak bi grebalari atxilotu zituen goizean eta hirugarrena arratsaldean.
Aldarrikapenak mendira eraman dituzte
Ostegunean Tubacexeko langile batzuk Laudioko eta Amurrioko zortzi menditara igo dira. Ekitaldia goizeko ordu ezberdinetan abiatu da, 8etatik aurrera. Amurriotik Burubio, Babio, Garate eta Aspaltzako gailurretara igo dira. Laudiotoik aldiz, Larra, Goikogane, Pagolar eta Elorritxugane izan dute helmuga. Grebalarien beste talde bat aldiz, Bilbora joan da Tubos Reunidos eta Eaton konpainietarko langileen aldarrikapenak babestera.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.