Osakidetzak Asuncion Klinika bere baitan txertatu eta langileak subrogatzea eskatu du LABek

  • LAB sindikatuak agerraldia egin du Tolosan, "Asuncion Klinika kudeatzen duen Inviza enpresaren inguruan dabiltzan albiste eta mugimendu desberdinen aurrean" bere jarrera azaltzeko: "Klase sindikatu bezala Invizako langileak defendatuko ditugu beti, eta Tolosaldeko herritar guztien eskubideak bermatzeko beharra ikusten dugu; hots, ospitale publiko bat izateko eskubidea".


2021eko martxoaren 23an - 12:03

LABen iritziz, "Eusko Jaurlaritzak zor historikoa dauka Tolosaldearekin, EAE-ko eskualde bakarra delako ospitale publiko bat ez duena; aldiz, ospitale pribatu kontzertatu bat inposatu digute. Argi dago esperimentua gaizki atera zaiela, nabarmen gaizki. Era berean, zor historikoa dauka ere Invizako 350 langileekin, zeintzuk urteetan zehar beste eskualdeetako zerbitzua eskaini behar izan duten bitarteko eta baldintza okerragoetan".

Eskualdeko ospitale publikoa eskatu du beste behin LABek: "Urteetan zehar aldarrikapen honen alde borrokan egon gara eta horretan jarraitzen dugu: Asuncion Klinika publifikatzearen alde!”. Gorka Berasategi kidearen esanetan, “Tolosaldeako ESIan diru publikoa mozkin pribatua sortzeko erabilia izan da. Osakidetzak bere zerbitzuak handitu eta indartu beharrean, pribatizazioari eta kontzertazioari ekiten dio behin eta berriz. Hiritarron osasunarekin diruzalekeria sustatzea erabat salagarria dela uste dugu eta horrela adierazi nahi izaten diogu Osakidetzako zuzendaritzari egiten ditugu mobilizazio eta greba guztietan”.

Horregatik, Osakidetzak Asunción Klinika bere baitan txertatzea eta langileak subrogatzea eskatu dute: "Invizari ematen zaion dirutza zerbitzua hobetzeko erabiltzea eskatzen dugu, diru publikoaren xahuketarekin amaitzeko. Era berean, Tolosaldeak beharrezkoak dituen osasun zerbitzuei buruzko hausnarketa kolektibo bat abiatu behar dela aldarrikatzen dugu”.


Kanal honetatik interesatuko zaizu: Osasunaren pribatizazioa
Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


2024-03-15 | Hala Bedi
Beñat (OPA): "Kalera irten behar gara gure eskubideak aldarrikatzeko"

Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.


Lehen Mailako Arreta, "kolapsora" bidean

Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.


Osasungintza “guztiz publiko eta kalitatezkoa” aldarrikatu dute milaka lagunek kalean

Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.


Unibertsitate publikoak osasun aseguru pribatuak eskaintzen dizkio milaka langileri “prezio merkeagoan”

“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]


Eguneraketa berriak daude