“EAJk ez du onartuko Euskadiren nazio izaera aitortzen ez duen aldaketarik. Aldatzeko, has gaitezen gauzei duten izena ematen: nazioei nazio, eta Euskadi nazio bat da”. Horrela esan du Ortuzarrek Sukarrietan (Bizkaia), Sabino Aranaren heriotzaren 111. urteurrenean.

EBBko buruak azaldu du EAJk ez duela Konstituzioa aldatzeko beldurrik: “EAJk ez dio beldurrik ez Estatuaren modelo aldaketari, ezta gestio aldaketari ere. Denbora asko daramagu bigarren trantsizio garai hau eskatzen” .

Ortuzarrek Espainiako Estatuko alderdi politiko nagusiei zuzenduta egin ditu adierazpen hauek, eta mezu argia bidali die: “Euskadi nazio bat da, eta aitortzen ez badute ez gaitzatela kontuan hartu”.