Ondarroako Kafe Antzokia itxita: “Gure esparru txikia erre dugu”

  • Ondarroako Kafe Antzokia ixteko erabakia hartu berri du Zenbat Gara elkarteak, “kontuek ematen ez dutela” argudiatuta. Bilbo Kafe Antzokia eredu, 11 urtez ehunka kontzertu eta bestelako emanaldiren aterpe izan da antzokia. Itxieraren harira, Txomin L. Aramaio kultur programatzailea elkarrizketatu du Entzun!-ek. Euskal Herriko eszenaren analisia ere egin du ondarroarrak.


2013ko uztailaren 15an - 00:00
Azken eguneraketa: 2015-02-26 13:37:33
Ondarroko Kafe Antzokiaren inaugurazioko irudia (Argazkia: zenbatgara.org)

Aramaiok duela hiru hilabete izan zuen itxieraren berri, programatzaile gisa 8 urtez aritu ostean. Krisi ekonomikoaren ondorioak ezagutu arren, harritu egin du: “Azken hiru edo lau urteetan oso ondo ari ginela uste genuen. Kontzertu gutxiago egiten dira eta taldeek haien katxeta jetsi dute. Guri ongi etorri zaigu, duela urte batzuk ezinezkoa zen taldeak ekarri ditugulako”.

Azken lau urteetan, urtero 30 kontzertu egin dira antzokian eta batezbeste, 250 ikusle izan dituzte kontzertuko. Ondarroaren neurria kontuan izanda,“oso datu ona” dela uste du Aramaiok. Herriko eta Mutrikuko taldeei tartea egiten saiatu direla dio.

Ondarroararen arabera, Zenbat Gara elkartea pozik zegoen kultur-programazioan egin duten lanarekin, baina “hori ez da nahiko horrelako lokal bat aurrera ateratzeko”. “Hilean 3 edo 4 egunetan egiten dira kontzertuak, baina antzokia egunero dago zabalik, astelehenetik domekara, eta egunerokotasuna asko jaitsi da”.

Formatu eta talde antzekoko jaialdi gehiegi antolatu direla uste du Aramaiok, eta horrek lotura du jendeak musikagatik ordaindu nahi ez izatearekin. “Gure esparru txikia erre egin dugula uste dut”.

Era berean, dirua badagoenean erakundeei “eskua joaten zaiela” uste du: “Ezin da Euskal Herrian, urtea joan eta urtea etorri, mundu mailako talde ezagunenei ordaintzen ibili”. Bestela, “jendeak kontzertu horiek bakarrik ordaintzen ditu”.


Kanal honetatik interesatuko zaizu: Kontzertuak
Aritz Colio (HTX)
“Hatortxu amaituko da, baina elkartasuna eta auzolanaren bidean gure aletxoa jartzen jarraituko dugu”

Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]


2024-06-11 | ARGIA
Hatortxu Rock behin betiko agurtuko da 2025ean, 30. edizioarekin

2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.


Eguneraketa berriak daude