OihuK gaztetxea dagoen eraikina "usurpatzeagatik" hiru lagun auziperatu dituzte
Eraikinaren jabea den enpresarekin bitartekari lana egin duten bi lagun eta okupazio egunean OihuK gaztetxearen inguruan identifikatu zuten pertsona bat dira hiru akusatuak. Usurpazio delitua leporatzen diete. Bilboko Errekalde auzoan hutsik zegoen espazio baten okupazioaren eta bertako proiektu feministaren "kriminalizazioa" salatu dute hainbat herritarrek epaitegi atarian.
Zigor Epaitegian orain baino lehen bi aldiz deklaratzera deitu dituzte hiru lagunak, eta bitan "atzeratu" du auzia Errekaldeko eraikin okupatuaren jabe den enpresako abokatuak. Gaurko hirugarren auzibidearen aurrean baikor agertu dira OihuK gaztetxeko kideak, legeari dagokionez "zentzurik ez duelako". Izan ere, OihuK gaztetxeko asanblada eta eraikinaren jabe den enpresaren artean bitartekari lana egin duten bi lagun dira auziperatuak eta, eurekin batera, eraikina okupatu zenean OihuK gaztetxe inguruan identifikatu zuten beste lagun bat.
2015eko uztailaren 4an okupatu zuten Errekalde auzoan "emakume lesbiana, transexual eta feministen topagunea" sortzeko eraikina. "Eraikinak hutsik zeraman denbora asko. Gu eraikinari bizitza ematen ari gara proiektu feminista potente batekin", diote OihuKeko kideek. Hasieratik ahalegindu diren arren eraikineko jabeekin harremanetan jartzen ez dute lortu kontaktu zuzena izaterik. "Saiatu gara deitzen eta harremana izaten, baina enpresako idazkariekin baino ez dugu hitz egitea lortu", adierazi dutenez.
Arazoak ere ia hasieratik izan dituzte OihuK gaztetxean. Hutsarazteko arriskuan izan dira hainbatetan. Hori dela eta, ia urtebetez jasan duten jazarpen eta kriminalizazio saiakera salatu dute: "Bilbo eta Euskal Herri mailan azkenaldian okupatutako espazio ia guztiak jazarpena jasaten ari dira; eta gu ere bai. Ekosistema guzti horretan okupak izategatik kriminalizazio handia jasatzen ari gara".
Gaurko epaiketaren osteko ebazpenak kaleratze agindua eta isunak ekar ditzakeela badakite OihuK gaztetxean. Aukera horren aurrean erantzuteko prest agertu dira neskak. "Guk erresistentzia erakutsiko dugu".
Lehen urteurrena uztailaren 3an
Uztailaren 4an beteko du lehen urteurrena gaztetxeak. Ospakizunak aurreko egunera, igandera, aurreratzea erabaki dute. Uztailaren 3an "jaia egingo dugu, Errekaldeko jaien barne", OihuK proiektuak erresistentzian aurrera egitea lortu duela ospatzeko.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]