ARGIA.eus

2020ko maiatzaren 26a

Oiartzunen egingo dute Gazte Akelarrea, martxoaren 30etik apirilaren 1era

  • Sorginkerian dugu independentzia lelopean egingo dute Ernaik eta Aitzinak aurtengo udaberriko ekimena. "Euskal Herriko txoko guztietako borroken topagune" bilakatuko dute hiru egunez Oiartzun.

Topatu.eus @topatu_eus
2018ko urtarrilaren 18a

Bosgarren urtez jarraian antolatuko dute Ernaik eta Aitzinak elkarlanean udaberriko ekimena. Aurten Oiartzunen egingo dute hiru eguneko topagunea, martxoaren 30etik apirilaren 1era, eta antolakundeek jakinarazi dutenez Oiartzungo kaleak sorginkeriaz betetzeko gogoz datoz.

"Eskaintza kultural eta politiko mamitsua" prestatu dute hiru egunetarako: besteak beste hitzaldiak, mahai-inguruak, antzerkiak, tailerrak eta kontzertuak eskainiko dituzte. Baita Gazte Bazkaria eta "eguzkiari agur esateko" Akelarre berezia ere. Argitaratu berri duten webgunean emango dute egitarau osoaren berri datozen egunetan. 

Burujabetzaren aldeko hiru su

Azken urteotan egin bezala, aurtengo Gazte Akelarrean ere burujabetzaren aldeko hiru su piztuko dituzte Ernaik eta Aitzinak: elikaduran, zaintzan eta eskaintza kulturalean arreta jarriko dute, hain zuzen. "Hiru horiek berebiziko garrantzia eta pisua daukate, izan ere, burujabetzaren aldeko bidean praktika burujabeen aldeko apustua egiten dugu bi antolakundeok". Gazte Akelarrera joateko deia egin diete Euskal Herriko gazteei: "Oiartzungo kaleak sorginkeriaz astintzera goaz; gazteok Oiartzunera!".

Albiste hau Topatu.eus-ek argitaratu du eta ARGIAra ekarri dugu CC by-sa lizentzia baliatuta

Kanal hauetan artxibatua: Gazte mugimendua  |  Ernai  |  Aitzina  |  Oiartzun

Gazte mugimendua kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude