NUPeko Erizaintza Fakultatea: ikasturte honetan bi irakasgai euskaraz, datorrenean bakarra
Arrazoia are larriagoa da: gaztelaniazko bi talde osatu ezin zituztenez euskarazko taldekoak gaztelaniazkora pasako dituzte.
aurre egingo dieten hedabide independenteak
LAB sindikatuak eman du horren berri. Nafarroako Unibertsitate Publikoko Gobernu Kontseiluak 2017-2018 ikasturteko irakasgaien eskaintza onartu berri du. Eskaintza Fakultateek eta Eskolek proposatzen dute. LABek dioenez, Erizaintza Eskolan bi irakasgai ematen dira gaur egun euskaraz, Biokimika eta Osasun Publikoaren eta Eritasunen Aurrezaintza. Bada, Biokimika ezingo da euskaraz ikasi hurrengo ikasturtean.
Dirudienez, Erizaintza Eskolako zuzendariaren nahia Biokimikan gaztelaniazko bi talde egotea zen, baina unibertsitateko Gobernu taldeak ikasle nahikorik ez duela erantzun dio. Konponbidea euskarazko taldea ezabatu eta ikasleok gaztelaniazko taldera pasatzea izan da.
Erizaintza da NUPen ikasle euskaldun gehien dituen (%45) gradua. 2017-2018 ikasturtean irakasgai bakarra izango dute euskaraz.
LABek ondoko hiru eskaerak egin ditu:
-“Erizaintza Eskolari, eta modu zehatzean bere zuzendariari exijitzen diogu Biokimika irakasgaia hurrengo ikasturterako berriro euskaraz eskain dezan.
-NUPeko Gobernu taldeari dei egiten diogu egin beharreko gestio guztiak egin ditzan aipatutako irakasgaia hurrengo urtean Erizaintzako ikasle euskaldunek euskaraz jaso ahal izateko.
-Gobernu taldeari dei egiten diogu NUPeko azkeneko Plan Estrategikoan aipatzen den Euskararen Plan Gidaria onartu dezan, Plan honek ikasle eta oro har, pertsona euskaldun guztion hizkuntza eskubideak bermatu beharko ditu, idatzi hau eragin duen bidegabekeria sekula santan berriro gerta ez dadin”.
"Ongi etorri Iruñera" zikloa bueltan da. Urriaren 30ean hasiko da migrante eta errefuxiatuekin euskarara hurbiltzeko topaketen bigarren edizioa eta izena emateko epea irekia dago.
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]