Britainiarrak daude 'Nord Stream' hodien kontrako sabotajeen atzean, Errusiak ziurtatu duenez

  • Errusiako Defentsa Ministerioaren arabera, irailaren 26an Nord Stream 1 eta Nord Stream 2 gas hodien kontra izandako erasoetan Erresuma Batuko itsas armadako unitate batek hartu zuen parte. Erresuma Batuko Gobernuak Errusiaren "akusazio faltsuak" ukatu ditu.


2022ko azaroaren 02an - 10:40
Azken eguneraketa: 14:27

Kremlinak Nord Stream gas hodien kontrako "eraso terroristaren" atzean Erresuma Batua dagoela ziurtatu du. Telegram bidez bidalitako mezuan, Errusiako Defentsa Ministerioak azaldu du itsas armada britainiarreko unitate batek hartu zuela parte sabotajean. Areago, bere esanetan, unitate berak Itsaso Beltzean, Sebastopolen, errusiar itsasontzien kontra izandako erasoetan ere hartu du parte, ukrainarrak dronekin lagunduz.

Hain justu, azken eraso horiek direla-eta Errusia zerealak eta laboreak garraiatzeko "korridore seguruaren" hitzarmenetik aldendu da eta eten egin du akordioa. Ukrainak eraso horiek "aitzakia" gisa erabiltzea egotzi dio Errusiari.

Nord Stream gas hodien kontrako sabotejeen kasuan, Errusiako Defentsa Ministerioak azaldu du britainiar armadako kideek erasoaren "planifikazioan, antolaketan eta inplementazioan" hartu zutela parte, baina ez du frogarik eskaini hori ziurtatzeko. Irailaren 26an, Nord Stream 1 eta Nord Stream 2 gas hodien leherketaren ondorioz milaka tona gas natural isuri ziren Baltikoko Itsasora eta Europako hainbat herrialdeentzako funtsezkoak diren energia iturri horiek erabilgarri izateari utzi zioten.

Erresuma Batuko Defentsa Ministerioak, bere aldetik "fikzio" gisa hartu ditu Errusiaren "akusazio faltsuak".


Kanal honetatik interesatuko zaizu: Energia krisia
2024-05-09
Siemens Gamesak "doikuntzak" iragarri ditu eta kezka areagotu da langileen artean

Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.


GNL: Louisianako zingiretan jokoan dira munduko klima eta osasuna

Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]


2024-03-25 | ARGIA
"Megaproiektu berriztagarrien egungo hedapenaren aurka eta bizitzaren alde" manifestua sinatu dute hainbat alorretako 75 pertsonak

"Elite ekonomiko baten pribilegioak iraunarazten diren aldi berean, konponbide faltsuak eskaintzen dizkigute, egiazko konponbideek beharko luketena onartu gabe: oligarkia energetikoa erabat auzitan jartzea, hazkunde ekonomikoaren aginduarekin haustea, gure eredu produktibo... [+]


2024-03-20 | ARGIA
Jasangarritasunaren Euskal Azokak hamargarren edizioa egingo du asteburuan Durangon

Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.


Eguneraketa berriak daude