ARGIA.eus

2021eko irailaren 27a

Noaingo Batailaren urteurren-ekitaldia atzeratu egingo dute

Iraitz Madariaga Etxebarria
2021eko ekainaren 23a
Ekainaren 22ko prentsaurrekoa. Argazkia: Euskalerria irratia

Mikel Petrirena, Uxue Sorauren eta Marian Pérez Noaingo Bataila elkarteko ordezkariek azaldu dute Noaingo Batailaren urteurreneko ospakizuna atzeratuko egingo dutela. Ekainaren 22an egindako prentsaurrekoan hiru data posible dituztela esan dute, baina ez dituzte publiko egingo. VOXen probokazio nahietan ez erortzea da data aldatzeko arrazoi nagusia.

Elkarteko ordezkariek azaldu dute Getzeko udalbatzaren erabakia onartzen dutela. Ez diete lurra erabiltzeko baimenik eman, baina ulergarria dela esan dute, Getzen ez daukatelako mediorik bi aldeek ekitaldia ospatuko balute sortuko litzatekeen egoera kontrolatzeko. Bestetik azaldu dute ez diotela eskuin erradikalari bere mezua zabaltzen lagundu nahi, eta ekitaldia atzeratzearen arrazoi nagusia hori dela. Adierazi dute VOXek “probokaziorako” erabili nahi izan duela urteurrenean egin nahi zuen ekitaldia, historiaren “irakurketa errebisionista” egin eta nabarmentasun politikoa lortzeko.

Elkarteko ordezkarien ustez, VOXek adierazpen askatasuna kendu nahi die, 1991tik antolatzen duten oroimen ekitaldia geldituz, eta probokazio horiekin, Noaingo Bataila bigarren aldiz errepikatuko litzatekeela salatu dute. Lankidetzara dei egin dute, errealitatetik hurbilago dagoen diskurtsoa sortzeko eta “duela 500 urtetik zabalik dauden zauriak ixteko”.

VOXen erantzuna

Navarra.com hedabideak bildu duen bezala, Nafarroako VOXeko  presidente Emilio Jiménez Románek ezeztatu egin du beren ekitaldiak duen probokazio nahia. “Nazionalismo separatistak egiten duen batailaren irakurketa okerra” agerian uzteko helburua baino ez du beren ekitaldiak. Alderdiak gudu zelaian ekintzarik egingo ez badu ere, Fernando Vaquero idazleak batailaren errebisio historikoa egingo du Salinas monumentuan, eta eguerdiko hamabi eta erdietan, mahai inguru bat antolatu dute Galariako Zenit hotelean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Noain 1521  |  Nafarroa  |  Vox

Noain 1521 kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude