Nicole Briend epaitzen dute gaur: 6 urteko espetxea eta 75.000 euro BNPren iruzur fiskala salatzeagatik?

  • Asteartean, otsailak 6, Carpentras hirian (Frantzia hegoaldean) erretiroa hartutako irakasle batek aurre egin beharko dio BNP bankuak eskatuta montatu dioten epaiketari: BNPk burutzen duen iruzur fiskala salatzeko ekintzan aulki batzuen lapurreta sinbolikoaren truke 6 urteko espetxe zigorra eta 75.000 euroko isuna arriskatzen ditu.

Pello Zubiria Kamino @pellozubiria
2018ko otsailaren 06a
Nicole Briend ATTACeko beste kideekin 2016an Carpentrasen BNPren iruzur fiskala salatzeko ekintzan.

Aulkien lapurreta Baionan Bizi! mugimendu ekologista eta altermundialistak duela bi urte hasi zuen, otsailaren 12an: beren buruei “aulkien segalariak” [faucheurs de chaises frantsesez, parekatuz ekintza hau hazi transgenikoak salatzeko OGM arto soroak segatzen zituzten beste ekintzaile famatuekin] deitzen dituzten militanteek aulkiak osten dituzte iruzur fiskala egiten duten bankuen bulegoetan. HSBC bankua salatuz estreinatu ziren Bizi!koak Baionan eta orduan ere Parisko agintariek erakutsi zuten indar handiagoa egiten dutela dozena erraldoi bati dozena aulki xixtrin berreskuratzeko, banku horrek fiskalitateari iruzur eginez lapurtzen dituen milioiak kaurkitzeko baino.

ATTACeko kideak epaiketaren bezperan agintarien eta BNPren hipokrisia salatzen: "Nor da noren lapura?".

Gero ATTAC mugimenduak ekin zion Bizi!-ren ekintzak Frantziako estatu osora hedatzeari. Intelektual ezagunek parte hartu dute batera edo bestera ekintzotan. Asteartean Carpentrasen epaitzen duten Nicole Briendek bere herrian BNPk duen bulegoko kadira batzuk harrapatzen hartu zuen parte. Bankuak, tarte horretan, burua makurtu eta publikoki zabaldu behar izan du Kaiman uharteak diren paradisu fiskaleko bulegoak itxi egingo dituela, baina horretarako mobilizatu ziren militanteen kontrako errepresalian jarraitzea erabaki du.

Gaztetatik afera ekologista eta sozial askotako militantea izan den eta 70 urteekin jarraitzen duen Nicole Briendek herri mugimendu eta GKE askoren sostengua edukiko du Carpentraseko auzian. Aste pare bat lehenago, urtarril amaieran, Baionan Bizi!-koek BNPren leihoak zuriz tindatu dituzte, bankeroon gardentasun falta salatzeko. 

Bizi!-ko militanteak duela egun batzuk Baionako BNP salatzen.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iruzur fiskala  |  Altermundialismoa

Iruzur fiskala kanaletik interesatuko zaizu...
2018-06-08 | ARGIA
Attac-eko militantea epaiketan errugabe: banku iruzurgileari aulkiak ostea ez da delitu

Carpentras hiriko (Frantzia hegoaldean) epaile batek errugabe deklaratu du Nicole Briend: erretiroa hartutako irakaslea, BNPk burutzen duen iruzur fiskala salatzeko bere bulegoetan aulkiak lapurtzeko ekintzan hartu zuen parte. Sei urteko espetxe zigorra eta 75.000 euroko isuna arriskatzen zituen, baina epaileak erabat libre utzi du.


2018-05-02 | Amaia Lekunberri
Eusko Jaurlaritza "Margüello kasutik" erretiratu da

2006-2009 urteen bitartean Osakidetzako itxaron zerrendak kanpora ateratzean emandako ustezko irregulartasunengatik hasi zen “Margüello kasuaren” ikerketa 2009an, eta momentu hauetan Bizkaiko Auzitegi Probintzialaren sententziaren zain dago. Zuzenean kaltetua izan den Eusko Jaurlaritzak hasiera batean akusatuei egindako eskaera ekonomikoak erretiratu ditu argudiatuz ondarearen gaineko kalteak “ez direla frogatu epaiketan zehar”, pazienteak behar bezala artatuak izan... [+]


"L'Empire contre ATTAC" Parisen: Applek auzitegietan estali nahi ditu bere iruzurrak

Astelehenean zen, otsailaren 12an, epaiketaren eguna Parisko auzitegian: planetako multinazionalik erraldoienetakoa den Apple mugimendu altermundialisten ikurretakoa den ATTAC elkartea auzitegietan itotzen ahalegintzeko auzi saioa. Parisko goi epaitegiaren atarian militanteek “L’Empire contre ATTAC” antzeztu dute Stars War saileko film berri bat bailitzan, filmaren bigarren atalaren frantsesezko tituluaren hitzekin jolas eginez. Inperioa kontraerasoan datorrela, alegia…... [+]


2018-01-04 | Andoni Mikelarena
Iruzur fiskalaren aurka egiteagatik, Applek auzitegietara eraman du Attac

Attac, globalizazioaren aurkako mugimendua, auzitegietara eraman du Applek, Europar Batasunak ezarritako 13.000 milioi euroko isuna ordaintzea eskatzeagatik.


2017-12-19 | Andoni Mikelarena
Ikea ikertzen ari da Europa, zergak ez ordaintzeko egitura bat zuelakoan

Europar Batasunak ikerketa bat abiatu du altzarien multinazionalaren inguruan. Ustez zergei ihes egiteko egitura bat osatua zuen enpresa suediarrak, Holanda, Luxenburgo eta Liechtensteinen.


Apple iruzur fiskalean munduko txapeldun izendatu du ATTACek

“Apple, lapurreta mundiala” izenburuarekin azaroaren 9an ATTAC erakundeak zabaldu duenez, 2002tik gaurdaino sagar koskatuaren multinazionalak 16.000 milioi euroko zergak utzi dizkio pagatzeke Europar Batasunari. Berrikitan "Paradise Papers" agirietatik eskuratutako informaizoek berretsi dute Applek segitzen duela iruzur estrategia berean.


2017-09-01 | Estitxu Eizagirre
Munduko aberatsenen zerrendan Euskal Herriari lotutako hiru izen

Forbes aldizkariak zabaldu du 2017ko munduko aberatsenen zerrenda. Euskal Herriarekin zuzenki lotutako hiru izen hauek ageri dira: 693. postuan eta 2,9 mila milioi dolarren jabe Juan-Miguel Villar Mir (OHL enpresa); 973. postuan 2,5 mila milioi dolarren jabe Daniel Francisco Maté Badenes (Suitzan bizi den donostiarra); eta 1.795. postuan 1,1 mila milioi dolarren jabe Jose Maria Aristrain (ArcelorMittalen jabe olaberriarra).


Ana Beltran PPko buruzagiaren bodega, Nafarroako Gobernuaren zordunen artean

Bodegas Camilo Castilla bodegaren zuzendaritza darama PPko eledunak 1987tik eta 687.000 euroko zorra dauka. Nafarroako Ogasun sailak zordun handien zerrenda kaleratu du.


Euskal Oasia sutan

Txosten gordina argitaratu du HerriUni-ko kide Nekane Jurado ekonomialariak. Krisiaren lehen urte gisa hartzen den 2008 urtea egungo egoerarekin konparatu du, Hego Euskal Herrian ere aberats eta txiroen arteko arrakala zabaltzen ari dela agerian utziz. Bertan 533.222 pertsona pobreziaren mugatik behera bizi dela jakiteak argi uzten du “Euskal Oasirik” ez dela, aberasten jarraitzen duten gutxi batzuentzat ez bada.


Europako banku nagusien irabazien %26 paradisu fiskaletatik dator

Oxfam Intermon eta Fair Finance Guide Internationalek kaleratutako txosten baten arabera, Europako hogei banku nagusiek 25.000 milioi euro irabazten dituzte urtero paradisu fiskaletan.


Azkenak
EGILEA
Eguneraketa berriak daude