Nazioarteko 50 pertsona ezagunek Kataluniaren erabakitze eskubidea eta amnistia eskatu dituzte
Omnium Cultural elkarteak lortu ditu Dialogue for Catalonia agiriari atxikimenduak, The Washington Post eta The Guardian hedabideetan argitaratu direnak. Sinatzaileen artean daude Dilma Roussef, Gerry Adams, Yoko Ono, Joan Baez edo lau Bakearen Nobel saridun.
Testua gaur eman dute ezagutzera. Sinatzaileek elkarrizketa eskatu diete Espainiako eta Kataluniako agintariei, Kataluniaren bere erabakitze eskubidea gauzatu dezan. Horretarako, errepresioaren amaiera eta presoen amnistia ezinbestekotzat jo dute:
“Behean sinatzen dutenek baldintzarik gabeko elkarrizketa eskatu diete Espainiako eta Kataluniako agintariei, Kataluniako herritarrek euren etorkizun politikoa erabaki ahal izateko irtenbide politiko bat aurkitzeko. Elkarrizketa arrakastatsua izan dadin, errepresioak amaitu egin behar du, eta errepresaliatuentzako amnistia beharrezkoa da”
Egoeraren judizializazioak “errepresio gero eta handiagoa” ekarri duela dio Dialogue for Catalonia agiriak, eta hori herritarren borondatearen aurka doala: "Katalanen gehiengo handi batek behin eta berriz adierazi du bere etorkizun politikoa erabakitzeko eskubidea demokratikoki erabiltzeko borondatea".
Sinatzaileak
Nazioarteko 50 pertsona ezagunek sinatu dute agiria, besteak beste: Gerry Adams Sinn Feineko presidente ohiak, Yoko Ono artistak, Dilma Rousseff Brasilgo presidente ohiak, Benn Emerson eta Michel Forst NBEren kontalari ohiek, Holger K. Nielsen Danimarkako Atzerri ministro ohiak, Clayborn Cason Esloveniako presidente ohiak, Mirta Baravalle Maiatzeko Plazako Amak elkarteko sortzaileetako batek, Alemanian exiliatutako Ai Weiwei artista txinatarrak, Clayborn Carson Martin Luther King Institutuko zuzendariak, Joan Baez kantariak, eta lau Bakearen Nobel saridun –Shirin Ebadi, Jody Williams, Mairead Corrigan eta Adolfo Perez Esquivel–.
50 personalitats demanen la fi de la repressió i el dret dels catalans a decidir el seu futur polític Signa ara per mostrar el teu suport! 👉 https://t.co/Z6KgeislqB#AmnistiaAra #AmnestyNow pic.twitter.com/YOYPkwLOFl
— Òmnium Cultural (@omnium) January 4, 2021
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]
Ura aurrezteko ordenantzak onartu nahi dituzten udal guztiak, tartean Bartzelona, Sant Cugat del Vallèsera joaten dira. Udalerri horrek ura aurrezteko bere lehen araudia onartu zuen 2002an, eta 2008an eta 2018an eguneratu zuen, murriztaileagoa izan zedin.
Kopa baten, kulero menstrual baten edo konpresa berrerabilgarri pare baten artean aukeratu ahal izango da.