Abenduaren 18an New Yorkeko egoitzan burututako ekitaldian Nazio Batuen Erakundearen batzarrak onarpena eman dio munduko baserritarren eta landa eremuko beste langileen eskubideei buruzko adierazpenari. Laborarien eta elikadura burujabetzaren aldeko sindikatu, erakunde eta ekintzaileek urte luzez landutako bidearen gailurra da adierazpen instituzional hau, orain ekintza zehatzetan mamitzen joan beharko duena.
Nazio Batuen Erakundearen 73. batzar nagusiaren baitan egin da laborarien eskubideen aldeko deklarazioaren bozketa: aldeko 121 boto, kontrako 8 eta 52 estaturen abstentzioa jaso ditu proposamenak. Via Campesina mugimenduak erabaki historikotzat ospatu duen Baserritarren eta Landa eremuetan lan egiten duten pertsonen eskubideei buruzko Adierazpena PDF formatuan gaztelaniaz eskaini du osorik.
Adierazpenaren testuingurua bideo labur honetan azaldu du EHNE eta ELB bezala Via Campesinako kide den Britainia Handiko Laborari Langileen Sindikatuak: "Baserritarrek eta neurri txikiko janari ekoizleek elikatzen dute munduaren %70a. Hala ere, gaurko elikadura sistemak, korporazio erraldoi bakan batzuek kontrolatzen dutenak, arrisku izugarrietan sartu dituzte mundu osoko baserritar komunitateak. Herrialde gehienetako politika publikoak agroindustriaren mesederako ari dira eta aldi berean nekazariak mesprezatzen. Honek ekarri du landa lurren lapurreta masiboa, baserritar familiak bortxaz kanporatzea, resistitzen dutenen gaineko zanpaketa, liderren hilketa edo kriminalizazioa eta nekazari jendearen emigrazio masiboa. 17 urte daramatzate baserritarrak eskatzen beren eskubideen mundu mailako babesa, hamarkada batez Nazio Batuen Giza Eskubideen batzordean. Pazientzia handiz negoziatu dute, gertatzen zaiena azaldu eta azkenean beren ahaleginak fruitua eman du Nazio Batuen batzarrak onartu duenean mugarria den deklarazioa laborarien eta landa eremuko beste langileen eskubideez. Sekulako garaipena da milioika elikagai ekoizlerentzako, nekazarien bizimoduaren defentsan ari direnentzako. Globalizatu itxaropena! Globalizatu borroka!"
#PeasantsRightsNOW Massive Victory! UN General Assembly adopts the UN Declaration on Rights of Peasants and Other People Working in Rural Areas
— La Via Campesina (@via_campesina) December 17, 2018
121 countries votes in favour! pic.twitter.com/Fjsx4kVxak
Euskal Herritik deklarazio hori nola ikusten den EHNE Bizkaiako Alazne Intxauspek azaldu du 97 Irrati Askean.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.