Navarra Sumak haur eskoletako euskarazko eskaintza murriztuko du
Donibaneko haur eskolan eta Printzearen Harresian euskarazko eredua kendu eta gaztelaniazkoa ezarriko dute berriz ere. Goiz Ederren, berriz, euskarazko plazen erdia kendu eta gaztelania eta ingelesekoak ezarriko dituzte.
aurre egingo dieten hedabide independenteak
Aurreikusi zitekeen moduan, Enrique Maia alkateak atzera botako ditu aurreko legegintzaldian udalak Iruñeko haur eskoletan egindako aldaketak, eta murriztu egingo du horietako euskarazko eskaintza. 2016tik lau haur eskolatan eskaintzen zen euskarazko aukera: Donibanekoan, Arrosadiko Printzearen Harresian, Arrotxapeko Goiz Ederren eta Txantreako Izartegin. Horren aurretik, ordea, bi haur eskolek bakarrik eskaintzen zuten eredu hori, eta biak Txantrean zeuden.
Bada, Enrique Maiak atzera egin nahi izan du, eta datozen ikasturteetan Donibaneko haur eskolan eta Printzearen Harresian euskarazko eredua kendu eta gaztelaniazkoa ezarriko dute berriz ere. Goiz Ederren, berriz, plazen erdia kendu eta gaztelania eta ingelesekoak ezarriko dituzte.
EH Bilduk pasa den legegintzaldian ezarritako eredua “bidegabekeria” bat izan zela adierazi du Maiak, eta aldaketa horiekin, “normaltasuna” itzuliko dutela Iruñeko haur eskoletara.
Modu progresiboan egingo dute aldaketa: datorren ikasturterako, Donibaneko eta Printzearen Harresi haur eskoletako gaztelaniazko tokiak eta Goiz Ederko gaztelania eta ingelesekoak ezarriko dira zentroan sartzen diren haurren taldeetan. Aurreko urteetatik dauden taldeetan euskarako eredua mantenduko da, haur horiek zentrotik atera arte.
Hala, 2022-2023 ikasturterako burutuko dute prozesua, eta orduan bai, soilik Txantreako Izartegin eskainiko dute euskarazko eredua, eta Goiz Ederren, egun dituzten plazen erdia eskainiko dituzte.
Erabaki hau hartzeko, alkatea epai juridiko batzuetan oinarritu da. Izan ere, 2016an haur eskoletako eskaintzan aldaketa egin zutenean, zenbait gurasok errekurritu egin zuten, eta epaiek arrazoia eman diete. Hala ere, erabakia hartzeko ez dute aztertu zein den benetako eskaria. Maiak jakinarazi du eskariaren ikerketa batean lanean ari direla, eta hurrengo ikasturterako aintzat hartuko dutela.
Edonola ere, azpimarratzekoa da 2017an Iruñeko Udalaren eskariz haur eskoletako eskaria neurtzeko ikerketa soziologiko bat egin zutela, eta horrek erakutsi zuela euskarazko eskaintza murritzagoa zela eredu hori aukeratuko luketen guraso kopurua baino, eta, aldi berean, gaztelera ingelerarekin eredukoa handiagoa zela eredu hori nahiago zuen guraso kopurua baino.
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]