ARGIA.eus

2021eko irailaren 23a
Alternatiben Herria

Zer eskainiko dute “Natura gure gaia” auzoan?

  • “Natura gure gaia” da zapatuan Alternatiben Herrian izanen den auzoetako bat, Karpa Nagusia, Auzoekonomia eta beste hirurekin batera. Mota guztietako jarduerak izango dira bertan, hasi mahai inguruetatik eta parte hartze tailerretara, tartean performanceak eta esperientzien kontakizunak direla.  

Eñaut Agirrebengoa Apaolaza @eagirrebeng
2015eko urriaren 21a
Mahai-inguruak, tailerrak eta esperientzien kontakizunak egingo dira, besteak beste, "Natura gure gaia" gunean

Aldaketa klimatikoari buruzko mahai-inguru batekin ekingo zaio egunari karpa honetan. “Aldaketa klimatikoa, trantsizio energetikoa eta alternatibak” izenburupean, Gorka Buenok (EHUko irakasle eta Ekologistak Martxan-eko kideak), Luis Gonzalezek (Ekologistak Martxan-eko kideak), Leire Urkidik (EHUko ikertzaile eta Ingurumen Zientzietan doktoreak) gaiaren inguruko euren gogoetak plazaratuko dituzte, 10:30etik 12:00etarako tartean.

12etatik aurrera, “Gure gaia 15 pertsona 15 gai” esperientzien kontakizunren lehen saioa egingo da. Arratsaldekoa, bere aldetik, 17:30ean hasiko da. Bertaratutakoek makina bat gairen inguruko esperientziak aditu eta kontatzeko abagunea izanen dute. Landuko diren mintzagaien artean daude, besteak beste, eskola jantoki ereduak, eredu arkeologikoak, hondakinen kudeaketa edota kontsumo arduratsua.

Behin esperientzien kontakizunari amaiera emanda, performanceei eginen zaie tartea. Lehena 12:30ean hasiko da, eta konpostaren gaia txontxongiloen bidez landuko du. Bigarrenak “naturaren eta jendartearen zapalkuntzara eramaten duen boterea eskuratzeko grina aseezina” islatuko du “Txiflado sostenible” izenburupean.

Hamaika tailer,  “entzun, eman eta parte hartzeko”

Parte hartzea pizte aldera, egun osoan  tailer ugari egingo dira. 10:30etik hasi eta arratsaldeko 18:00etara bitartean, “Natura gure gaia” karpara gerturatzen direnek, besteren artean, zor ekologikoaren, desobedientziaren, faktura elektrikoaren, trantsizio energetikoaren eta hiriko baratzeen inguruko tailerretan parte hartu ahalko dute.

Horietaz landa, egun osoan azukreari buruzko eta sagardoa egiteko tailerrak eskainiko dira. 

Karpa honetako egitaraua osorik hemen

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Alternatiben Herria Bilbon kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude