Nafarroako Gobernuak presoekin lan egiten duten erakunde sozialen mahaia sortu du, Iruñeko espetxean zigorrak betetzen dituzten presoen baldintzak hobetzeko. Hamabi eragile ezberdinek osatuko dute "Espetxe Mahaia".
Astearte honetan bildu dira lehen aldiz Eduardo Santos Justizia eta Migrazio Politiken kontseilaria, eragileak eta elkarteak "Espetxe Mahaia" eratzeko bileran. Nafarroako presoekin lan egiten duten erakunde sozialen eta elkarteen parte-hartze gunea izango da.
Bileran mahaiaren oinarriak zehaztu dira. Helburu nagusia kontsultarako eta parte hartzeko organoa sortzea da Iruñeko espetxean zigorrak betetzen dituztenen baldintzak hobetzeko. "Presoen eguneroko errealitatera are gehiago hurbiltzea, arazoak eta beharrak bertatik bertara ezagutzea eta gizarte erakundeekin adostutako konponbiderako bideak eskaintzea", ekarriko duela adierazi du kontseilariak.
Kontseilariak azaldu duenez, Nafarroako presoekin lan egiten duten elkarteak izango dira mahaian, besteak beste, osasunaren zaintzan, droga-menpekotasunen prebentzioan eta arreta psikologiko edo terapeutikoan aritzen direnak.
Guztira hamabi eragilek osatuko dute mahaia: ACOAD, ANTOX, Zuria eguneko zentroa, Pobreziaren eta GIzarte Bazterketaren aurkako Nafarroako Sarea, Gaztelan, La Majarí, Salhaketa, Sare VIH, SOAPJN, Pastoral Penitenciaria, Gizakia Helburu eta Mediación Navarra.
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]