ETBren emisioa eteteko eskatu du Espainiak, 2015ean egindako salaketari jarraiki. Nafarroako Gobernuak neurria bertan behera uzteko eskatu dio Espainiako Telekomunikazio Ministerioari, eta UPNk jarritako salaketa kenduko du.
Gainera, "badaezpadako neurriak kentzeko" galdegin du, "batez ere emisioen berehalako etetea, izan ere, herritarrak informatzeko eskubidearekin talka egiten du", Ana Ollo Nafarroako bozeramailearen irudiko.
UPN gordeka ibili da salaketarekin. Ez zioten esan Nafarroako Gobernuari bazegoenik ere. "Botere aldaketa egin genuenean, ez ziguten deus esan", salatu du Ollok. Juan Luis Sanchez de Muniain erregionalista izan zen salaketa aurkeztu zuena, eta Parlamentuko saio batean Ollori ETBren gaia atera bazion ere, "ez zuen salaketaren inguruko hitz erdirik esan".
Espedientean hedabidearen alde azaltzeaz gain, aurrerantzean lanean jarraituko du Nafarroako Gobernuak, Ana Ollo bozeramaileak jakinarazi duenez, "ETB era legalean ikustea ahalbidetzeko, parlamentuak agindu bezala". 2013ko mozio batean eskatu zuen Legebiltzarrak ETB Nafarroan ikus zedin.
Elkarrizketa hau Euskalerria Irratiak argitaratu du eta CC-by-sa lizentziari esker ekarri dugu ARGIAra
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.