Nafarroako Gobernuaren bi etxe huts okupatu ditu PAHk Iruñean premia dutenentzat
Beharra duten familien eskura jartzeko bi etxe okupatu ditu Nafarroako PAHk, Iruñeko Sanduzelai auzoan. Nafarroako Gobernuarenak dira bi eraikinak eta 15 urte zeramatzaten hutsik.
Orain, PAHko kideak garbitzen eta egokitzen ari dira, eta laster “behar gehien duten familiei” emango dizkiete. “Jenderik gabeko etxerik ez, etxerik gabeko jenderik ez”, kanpainaren baitan kokatutako ekintza da.
Mugimenduko kideek hedabideei eskainitako prentsaurrekoan azaldu dutenez, azaroan hainbat mobilizazio antolatu dituzte etxebizitzarekin dagoen arazoa salatzeko. Okupazio hau da egitasmoaren lehen ekimena.
Koldo Azkune herritarrak etxeen “berreskuratzea” bertatik bertara bizi izan du, eta bizitakoaren berri eman dio ARGIAri: “Plataformako kideek etxeetako ateak zabalik aurkitu dituztela argitu dute, eta egoerak onera egin ezean, okupazioekin aurrera jarraituko dutela”.
Etxe kaleratzeen auziaren aurrean Nafarroako Gobernuaren erantzun falta salatu du Plataformak: “Nafarroako Gobernuak etxe hauek abandonatu zituen, leihoak ere zabalik utzi zituzten, eta barruan usoek eta beste animalia batzuek habiak egiten dituzte. Zergatik ez gizakiek?”.
Horregatik, Nafarroako Gobernuaren “politikeri eta hitzontzikeria” atzean uzteko momentua iritsi dela ohartarazi dute.
Salatu dutenez, familia ugarik karitateak eskainitakoarekin baino ezin dute bizi, “ate guztiak” itxi dizkietelako. Egun karitateak emandakoari esker bizi diren bi familiarentzako egokituko dituzte Sanduzelaiko pisuak.
Plataformaren hitzetan, okupazioa “baketsua” izango da: “Okupazio honek gobernuari erakutsi dio etxe bat edukitzeko behar soziala zeinen erraz konpon daitekeen”.
Gobernuak, aldiz, etxebizitzaren arazoan “lanean” ari dela erantzun dio PAHri, eta okupazioari “adostutako irtenbidea” emango diola.
Plataformaren jarrera kritikatu du; izan ere, haren aburuz, etxebizitza bat okupatzea ez da “zuzena”.
Gobernuaren irudiko, “kontsentsuan” dago erantzuna: “Konponbidea ordenaren eta bateratzearen bidez lortuko dugu”.
Aspaldi abandonatutako etxebizitzak
Errepide sarean lan egiten zuten langileentzat eraiki zituzten 60 eta 70 hamarkadetan Sanduzelaiko etxebizitzak, baina “Camineroen” etxe askorekin gertatu bezala, jada ez zen bertan inor bizi.
PAHk salatu duenez, beste hamahiru bizileku daude hutsik okupatutako blokean. Bestalde, kritikatu du Nafarroako Gobernuak ezertarako erabiltzen ez dituen 150 etxe dauzkala.
“Jenderik gabeko etxerik ez, etxerik gabeko jenderik ez”
Nafarroako Gobernuaren 24/2013 etxebizitza legea “paper umela” dela esan du PAHk, eta komuneko paper-bobina batekin ilustratu du “Jenderik gabeko etxerik ez, etxerik gabeko jenderik ez” kanpaina.
Hainbat ekimen prestatu ditu egitasmoaren baitan: azaroaren 14an, “lotsaren ilara” osatuko du etxebizitza sailaren aurrean; azaroaren 21ean, etxebizitzaren truke zorra kitatzeko eskatzen duten bezeroen zerrenda banatuko die bankuei; eta hilaren 30ean, Iruñeko Sarasate Pasealekuaren aurrean, etxebizitzarako eskubidearen aldeko “festa” ospatuko du.
Sanduzelaiko etxeen okupazioa Twitter bidez jarraitu daiteke, #bloquesanduzelai eta #nigentesincasanicasassingente traolak erabiliz.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.