Nafarroako Gobernuak LGTBI+ Kontseilua sortu du

  • Nafarroako LGTBI+ Kontseilua sortu du Nafarroako Gobernuak gaurko bileran onartutako foru-dekretuaren bidez. Horrela betetzen da 2017ko LGTBI+ pertsonen berdintasun sozialerako legeak agintzen zuena. LGTBI+ taldeak, gazteria, adineko pertsonak, sindikatuak eta FNMC, besteak beste, egonen dira ordezkatuta kontseilu berri honetan.

Artikulu hau CC BY-SA 3.0 lizentziari esker ekarri dugu.

2019ko martxoaren 27an - 17:00

Kontseilua kide anitzeko organoa izanen da, aholku-emaile izaerakoa, eta LGTBI+ pertsonen eskubide eta betebeharren gainean herritarren parte-hartzea antolatuko du.

Eginkizun nagusiak

Organoaren eginkizun nagusiak hauek izanen dira: LGTBI+ pertsonen berdintasunerako derrigorrezko txostenak egitea; Nafarroako Administrazio Publikoen zerbitzuen jardueran hobetzeko proposamenak egitea; LGTBI+ pertsonen berdintasun soziala sustatzeko eta bultzatzeko neurriak proposatzea; eta sexu-orientazio, genero-adierazpen eta sexu- edo genero-identitatearen bidezko tratu- eta aukera-berdintasunaren printzipioaren diskriminazio- edo urratze-egoerak jakinaraztea eskumeneko organoei, horien berri jakiten dutenean.

Era berean, Kontseiluak urtero jasoko du Nafarroako Gobernuak egindako txostena, eta, bertan, sexu-orientazio, genero-adierazpen eta sexu- edo genero-identitatearen bidezko dibertsitatearen aurkako tratamenduaren testuinguruan detektatutako ekintzak jasoko dira.

Osaera

Kontseiluko kideak honako hauek izanen dira: Nafarroako Foru Komunitateko edo erakunde autonomoetako Administrazioko Departamentuetako bost ordezkari, osasunean, hezkuntzan, eskubide sozialetan, justizian, gazterian, barnean, enpleguan eta kirolean eskumena dutenetakoak; gizarte-ehuna edo Nafarroako LGTBI+ taldeak eta erakundeak ordezkatzen dituzten zortzi pertsona; Nafarroako gazteria ordezkatzeko pertsona bat, Nafarroako Gazteriaren Kontseiluak proposatuta; adineko pertsonak ordezkatzen dituen pertsona bat, Nafarroako Adineko Pertsonen Kontseiluak izendatua; LGTBI+ pertsonen eskubideen defentsan edo arretan pertsonalki edo profesionalki nabarmena den pertsona bat, LGTBI+ pertsonen berdintasun sozialerako eskumeneko erakundeak proposatuta; Nafarroako Udal eta Kontzejuen Federazioa ordezkatzen duen pertsona bat, horrek proposatuta; eta Nafarroako Foru Komunitatean ordezkaritza gehien duten lau erakunde sindikal bakoitza ordezkatzeko pertsona bat.

Kontseiluaren lehendakaritza-kargua izango du LGTBI+ pertsonen berdintasun sozialerako politiketan eskumena duen Departamentuko titularrak; hau da, une honetan, Herritarrekiko eta Erakundeekiko Harremanetako kontseilaria den Ana Ollo Hualdek; lehen lehendakariordea izango da LGTBI+ pertsonen berdintasun sozial arloan eskumena duen erakundeko Zuzendaritza-Kudeatzailetzaz arduratzen den pertsona, INAI-NABIko zuzendari kudeatzailea, Mertxe Leranoz; eta bigarren lehendakariordea Nafarroako LGTBI+ taldeak ordezkatzen dituen pertsona, Kontseiluak berak izendatua kideen artetik.

Nafarroako LGTBI+ Kontseiluaren funtzioak betetzeko, lan-batzordeak eratu ahal izango dira, duten interesa dela-eta horrela eskatzen duten gai ezberdinak aztertze aldera.

Albiste hau EUSKALERRIA IRRATIAk kaleratu du eta CC-By-SA lizentziari esker ekarri dugu ARGIAra.


Kanal honetatik interesatuko zaizu: LGBTI
LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Elena Guinea. Guztiontzako guneak sortzen
“Taberna bat edukitzea ardoak ateratzeko bakarrik, paso”

Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


2024-01-08 | ARGIA
LGBT+ eragileek Baionako apezpikua salatu dute Aita Santuak bikote homosexualez esandakoa desitxuratzeagatik

Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]


2023-08-24 | Ilargi Manzanares
Pertsona trangeneroen aurkako erasoak handitu egin dira

Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.


Eguneraketa berriak daude