Nafarroako Gobernuak AHT bere horretan eraikitzen jarraitu nahi duela salatu dute

  • Sustrai Erakuntza fundazioak salatu du Nafarroako Gobernuak izena aldatu diola AHTaren proiektuari jendea nahasteko: Prestazio Handiko Trena deitu du, baina atzean proiektu bera dagoela esan du. Gainera, salatu du proiektuak hutsune handiak dituela.


2017ko otsailaren 28an - 13:13
Sustrai Erakuntzak abiarazitako kanpaina. (Arg.: Euskalerria irratia)

Fundazioak dio hauteskunde kanpainan beste proiektu bat azaldu nahi izan zutela izen aldaketarekin, baina ez dago aldaketarik UPNk eta PSNk 2013an aurkeztutako proiektutik. Gainera, 2015ko irailean Nafarroako trenbide eredua aztertzeko aukera eskaini zitzaion gobernuari, baina Geroa Baik eztabaida egiteko aukera ukatu zuen, Sustrai Erakuntzaren arabera.

Esan du proiektua zaharkituta dagoela, eta ez duela errentagarritasun sozial edo ekonomikoaren azterketarik. 2015ean Auzitegi Gorenak emandako epaiak dio Iruñeko eskualdeko Ingurumen Eragin Adierazpena iraungita dagoela, eta Kontuen Ganbarak ere “beste garaietako” proiektu bat dela ondorioztatu du. “Beste garai bateko parametro ekonomiko zein sozialak dituen azpiegitura da, lehenbizi eraiki egiten da, eta ondoren eraikitakoari justifikazioa bilatzen saiatzen dira”. Navarra Arena eta Noaingo aireportuen adibideak jarri ditu fundazioak, konparaketa egiteko.

Nafarroako Gobernuak dio AHT/PHT eraikitzen jarraitzeko Espainiako Estatuarekin hitzarmen ekonomiko berri bat sinatu behar dela. Fundazioak erantzun dio ez dela lehentasunezkoa hitzarmen berri bat, “baizik eta Nafarroak zein trenbide eredu behar duen zehaztea”. Fundazioak dio orduan litzatekeela posible hitzarmen ekonomiko berria sinatzea.

Kalte ugari  

AHT/PHTaren eraikuntzak aurreko trenbide sarearen desegitea ekarriko duela dio Sustrai Erakuntzak, eta horrek asko mugatuko luke herri askotako mugikortasuna. Esaterako, Nafarroa Erdialdeko herri batzuetan egun dituzten trenbide loturak galduko lituzkete. Madrilera bidaiatu ahal izateko, autoz Iruñeako geltoki berrira mugitu beharko lirateke, ondoren trenean berriro Erdialdetik pasatzeko Madrilera bidean.

Bestalde, Nafarroa “jasangarritasunetik urrunduko litzateke”. Xahutze energetiko handiagoa, CO2 emisio gehiago, lur mugimendu handiak eta eremu babestuetako kalteak ekarriko ditu.

Amaitzeko, Sustrai Erakuntzak azpimarratu du jada zorpetuta dauden instituzio publikoek dirua xahutzen jarraituko dutela. Trenak 3.000 edo 4.000 milioi euroko kostua izango duela dio, eta horrek zerbitzu publikoetan murrizketak ekarriko dituela.

Sustrai Erakuntzak abiarazitako kanpaina. (Arg.: Euskalerria irratia)

Kanal honetatik interesatuko zaizu: Abiadura Handiko Trena
Julio Villanueva (AHT Gelditu)
"Abiadura Handiko Trenik gabeko Nafarroa posible da"

Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]


Iñaki Arriolak dio AHTren lanak amaituta ikusteko oraindik "urtetxo" batzuk beharko direla

Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]


AHT eta tren sozialerako egungo trenbidea egokitzea eskatu dute Altsasun

Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]


Eguneraketa berriak daude