ARGIA.eus

2022ko urtarrilaren 25a

Nafarroako adingabeen zentro batzuetan langileek jasandako erasoak salatu eta publifikazioa eskatu du LABek

  • Asteazkenean egin dute elkarretaratzea Iruñean, Eskubide Sozialen Departamentuaren parean. Egiturazko prekaritate-egoera luzea salatzeaz gain, egoeraren aurrean, Nafarroako Gobernuari esku-hartzeko eskatu diote.

     

Iraitz Madariaga Etxebarria
2021eko ekainaren 10a
LABen elkarretaratzea Iruñean, Eskubide Sozialen Departamentuaren parean. Argazkia: LAB

Nafarroako Gobernuak pribatizatuta eta azpikontratatuta dituen adingabeen zentroetan langileek pairatu dituzten arrisku egoerak salatu ditu LAB sindikatuak. Asteazkenean egin dute elkarretaratzea, Iruñean, Eskubide Sozialen Departamentuaren parean. Bertan, Gobernuari zerbitzua publifikatzeko eskatu diote, “egiturazko prekarietate jarraitua” ebazteko.

Azken asteetan, hainbat eraso jasan dituzte Nafarroako adin txikikoentzako zentro batzuetako langileek. LABek azaldu duenez, gertakariak “larriak” izan dira. Bi langile ia eskaileretatik behera bota dituzte; segurtasuneko langile bat jo dute, orkatila, tibia eta peronea hautsiz; beste langile bat zapalduta eduki dute, eta beltzuneak eta arnasteko zailtasunak izan ditu horren ondorioz.

Prekaritate-egoeraren emaitzak

Halere, sindikatuaren ustez, arazoa gertakari puntual horietatik haratago doa. Oihan Ataun LABeko esku-hartze sozialeko arduradunak hedabideei esan dienez, “fokua ez da hor jarri behar”. Jazoerak egiturazko prekaritate-egoera luze baten ondorio dira, eta funtsezko gizarte-zerbitzuak pribatizatzeak eragin ditu. 

Sindikatuaren ustez, zerbitzuaren kudeaketaz arduratzen diren azpikontratatutako enpresek ezarritako politikek bultzatu dute egoera. Zentroetako langileen –artakoen, segurtasunekoen eta administraziokoen– ratioak baxuegiak dira, titulazioen eskakizunetan aldaketa arbitrarioak egiten dituzte enpresek, lan-arriskuen eta neurri zuzentzaileen prebentzio falta handia da, eta aldi baterako kontratazio asko daude.

Horren aurrean, “kontrol publiko falta” handia dela salatu dute elkarretaratzean bildutakoek, eta Nafarroako Gobernuari esku-hartzeko exijitu diote. Funtsezko zerbitzuak publifikatzen ez dituzten bitartean, enpresa pribatu horien gaineko kontrol mekanismoak garatzeko eskatu diote Gobernuari. 

 

Kanal hauetan artxibatua: Prekarietatea  |  LAB  |  Nafarroa

Prekarietatea kanaletik interesatuko zaizu...
Endika Alabort (CNT)
“Lan erreforma hau erregimen sindikalaren krisiaren ondorioa da”

CNTko Bilboko Ekonomialaria Elkarrizketa Sozialaren mahaian adostutako lan erreformaren kontra agertu da, ez dituelako iraultzen 2012ko erreformaren oinarriak


Baionan greba deialdia egin dute berriz medikuntza sozialeko langileek

Pasa den astean, 400 langile inguru batu ziren Lapurdiko hiriburuan, medikuntza sozialeko beharginek Segur lege sortarekin jasan beharko dituzten murrizketak salatzeko. Datozen egunetarako greba deialdia ere berretsi dute.


Xabier Ugartemendia (LAB)
“Lan baldintzen aldeko konfrontazioan eta euskal esparruan sinisten dugu”

LABeko Ekintza Sindikaleko eta Negoziazio Kolektiboko idazkariak borrokaren bidez eragiteko aukera dagoela uste du, eta urtarrilaren 30eko mobilizaziorako deia egiten du.


2022-01-19 | ARGIA
Langile bat hil da Pipaonen, urteko laugarrena

Pipaongo (Araba) baso batean inausketa lanetan ari zela hil da, adar handi bat gainera erorita.


Arkaitz Antizar (CCOO)
“Bizi baldintzak hobetzeko eseri eta edukiak negoziatu behar ditugu”

Arkaitz Antizar CCOO Euskadiko Gazteria idazkaria eta batzorde exekutiboko kidea da. Lan erreformarako akordioaren egileetariko bat izan da CCOO, lan legediaren orain arteko norabidea aldatzen duelakoan. Hala ere, aurreko erreforma partzialki soilik derogatu duela ikusita, berau... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude