Datorren azaroaren 8an Ziburuko ikastolaren alde eginen den manifara joanen naiz. Eskatzen badidazue arrazoi sinple eta bakar bat ematea arrapostuko nizueke iruditzen zaidala euskara gehi bat dela. Sinpleki. Diskurtso luze-luzerik egin gabe. Gaur egun bizi garen garaikidetasunean, globalizazioaz eta mundializazioaz zentratzen diren diskurtsoak nonahitik ateratzen dira. Printzipioz ez dut deusik globalizazioaren kontra, baina globalizazioak 20 urtez berreskuratu ditudan nortasuna, hizkuntza eta sustraiak errespetatzen baditu.
Ziburun bizi naiz. Oletako bidean. Eta pattarraren beherean gertatzen denarekin konektatuta nago. Agian egun batez ermita bilakatuko naiz baina ermita bilakatzeko eguna ez zait momentukoz jin. Ene herriko auzapezak, Poulou jaunak, argiki mintzatzeko hautatu ez dudan auzapeza, etortzen diren oporrak pasatu eta gero deliberatu du ikastolako argiak kentzea. Baina kendu nahi dituen argiak Euskal Herriko ikurrak bilakatzen ari dira. Argiak ez baitira bakarrik gailu batzuetatik ateratzen burmuin batzuetatik baizik. Poulou jaunak Ziburuko ikasle gazteei kenarazi nahi dizkien argiak populu baten argiak baitira. Ziburuko ikastolako argien ukazioak gai nazionala bilakatzear dago. Gai internazionala. Gai mundiala. Argien ukazioak globalizazioa galdekatzen baitu.
Nork esanen dit eleaniztuna izatea ez dela gehi bat? Nork esanen dit bizi garen mundu globalizatuan eroso bizitzeko eta sentitzeko ez dela beharrezkoa poli-hizkuntzaduna izatea? Bioaniztasunaren problematika aitzinatzen da. Noiz arte egonen gara blokatuak hizkuntza-aniztasunaren problematikarekin? Nire leihotik pinpirin-pausa pasatzen ikusten dut. Pinpirin-pausak dituen hegoak munduan bizi dugun egoera al dezake? Hizkuntza-aniztasunaren problematika Euskal Herrian eta munduan zehar bizitzen diren biztanleen eskuetan dago. Gaur Ziburun. Bihar Euskal Herritik kanpo. Bat gehi bat gehi bat gehi bat. Gehi baten dohainak gizarte bat margotzearekin zer ikusia du. Zatozte denak Ziburura, kenarazi nahi dizkiguten munduko argiak berpizteko. Dudarik ez dut. Etorriko zarete. Dudan sinesmen bakarra hitzen performatibotasunean kokatzen baita.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Joan den igandean, ekainak 15, ugatzari buruzko artikulu interesgarria argitaratu zuen Rosa Canchok El Correo egunkarian. Azken urteotan hegazti sarraskijale adierazgarri honek Araban bizi duen itxaropen onaren egoeraz hitz egiten zen testuan. Arabako Foru Aldundiko Ingurumen... [+]
Bortizkeria zuzenak, agerikoak eta isilak, gainjarriak eta zeharkagarriak, mikroak eta geldoak. Bortizkeria egunerokoan irristatzen da, uneoro, boterea edo erabakitzeko ahalmena duenak ez duenaren aurrean boterea erabiltzen duenean. Hainbeste egoeratan murgiltzen gara... [+]
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Hainbeste jainko, arima, teontzi… beren izatea frogatu ezinik, eta jendeak ez ditu sinesten zientziak, kazetaritzak… ahal bezala, baina geure espezieaz harro egoteko moduan, frogatutakoak. Batzuek Lurra laua dela diote, eta debekatuta dagoela Antartikara... [+]
Maiatza Birjina Mariaren hilabetea den bezala, amak ospatzeko aukera da Mendebaldeko jendartean. Kasualitatea? Ez dut uste. Frantses lurraldean, Vichyko gobernuak besta hori instituzionalizatu zuen. Helburua bertuteko eta sakrifizioak egiteko prest den pertsona hori handiestea,... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Oporretan nago baina oraindik ez dut zutabea hasi. Oporretan nago baina nire gelak ez du igarri. Oporretan nago eta etxeko hautsa ez da mugitu. Oporretan nago eta topaguneko kanpin dendak lokatzez beteta jarraitzen du egongelan. Oporretan nago baina nire agenda ez da... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]