Mugarik Gabeko Medikuek uko egin diote EBren diru laguntzak jasotzeari

  • Migrazio politikak salatzeko asmoz egin dute hautua. Gobernuz kanpoko erakundeak munduan zehar dituen proiektu guztiei eragingo die erabakiak.


2016ko ekainaren 21an - 10:15
Europar Batasunak errefuxiatuekin duen jarrera salatu du Mugarik Gabeko Medikuak elkarteak. Argazkia: Robert Cotič (CC-BY)

“Europar Batasunaren migrazio politika ankerrak salatzeko”, erakunde horrek emandako diru laguntzei uko egitea erabaki du Mugarik Gabeko Medikuak gobernuz kanpoko erakundeak. Ohar batean azaldu duenez, EBren migrazio politikek gerratik ihesi daudenak euren kostetatik urruntzea besterik ez dute bilatzen. Gainera, zehaztu dute “Brusela eta Turkiaren arteko akordioak egoera okertzen” duela.

Joan Tubau elkarteko zuzendari nagusiak azaldu duenez, “EBren politika hauek ez dute ezer humanitariotik, laguntza behar dutenen oinazea areagotzen baitute”. Gaineratu du halako akordioak ez litzatekeela sinatu behar, eta haiek “salatzeko beharra” azpimarratu du.

Mugarik Gabeko Medikuen arabera, Turkia eta Europaren arteko ituna beste 16 herrialdetara zabaltzeko asmoa du Europar Batasunak. Akordioak sinatuz gero, Europaranzko migrazioa geldiarazten ez duten herrialdeei arantzelak jarriko zaizkie komertzio itunetan; geldiarazten duena saritua izango litzatekeela adierazi dute.

Tubauk Europako Gobernuei “lehentasunak aldatzeko” eskatu die: euren herrialdeetatik urruntzen dituztenen kopurua handitu beharrean, babesa emandakoen kopurua igotzeko galdegin die.


Kanal honetatik interesatuko zaizu: Errefuxiatu krisi globala
Gutxienez hamaika hildako eta 64 desagertu Mediterraneoan astelehenean bi ontzik izandako ezbeharretan

Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.


Itsaso zabalean migranteak ontzitik botata ito dituzte Greziako kostazainek, BBCren arabera

Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]


Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


Eguneraketa berriak daude