ARGIA.eus

2021eko ekainaren 17a

Ehunka lagunek Aroztegiko proiektua gelditzeko eskatu dute Baztanen

  • Aroztak Herri ekimenak deituta Elizondotik Lekarozera manifestazioa egin dute Aroztegiko makroproiektua gelditzea eskatzeko. Antolatzaileen arabera, 2.500 pertsona inguruk parte hartu dute.

Oihane Arretxea Bereziartua @oihane_arretxea
2021eko maiatzaren 17a
Argazkia: Ekinklik

Ehunka pertsona bildu ziren larunbatean Baztanen, Aroztegiko makroproiektu urbanistikoa gelditzeko eskatzeko manifestazioan. Aroztak plataformak Landa eremua defendatu! Aroztegia gelditu lelopean antolatu zuen mobilizazioa, eta Elizondon hasi eta Lekarozen amaitu zen.

Apirilaren 8an hasi ziren Lekarozko herrian luxuzko 228 etxebizitza, 126 logelako hotel bat, spa gune bat eta golf zelai bat egiteko proiektuaren lanak, Palacio de Aroztegia SM enpresak aginduta. Herritarrek lanak egin behar zituzten lurretan egindako kanpaldiak 11 egun iraun zituen eta lanak gelditzea lortu zuten.

Plataformako kideek adierazi dutenez, “Baztango herriak ez du proiektua onartzen“ eta Nafarroako Gobernuari “herriaren hitza errespetatzeko” eskatu diote. Gainera, Baztanen 860 etxebizitza huts eta 520 bigarren etxebizitza daudela gogorarazi dute. ”Nafarroako Gobernuak eta aldeko alderdi politikoei proiektua gelditu eta atzerapauso bat ematea" dagokiela adierazi dute. Hala ere, borrokan jarraituko dutela eta proiektua gelditzeko "behar diren ekintzak" egingo dituztela azpimarratu dute. 

Plataforma ez da proiektu urbanistikoa salatzen duen bakarra. Baztango Udalak ere salaketa aurkeztu du enpresaren kontra eta LAB sindikatuak ere Nafarroako Kontratu Publikoen Administrazio Auzitegian salatu zuen. Gainera, Lekarozko alkatetzak maiatzaren 13an hondeamakinek egindako “txikizioa” salatu zuen, ehunka urte zituzten haritzak moztu zituztelako, besteak beste.

 

 

Argazkia: Ekinklik
Argazkia: Ekinklik
Argazkia: Ekinklik
Argazkia: Ekinklik
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Baztango Aroztegia  |  Baztan

Baztango Aroztegia kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude