Milaka greziar atera dira kalera gobernua babestera
Atenasko Syntagma plaza bete dute manifestariek bart, egunean bertan sare sozialen bidez egindako deialdi batekin. Gobernuari babesa adierazteko bildu dira, herrialdearen porrota Europako aginte ekonomikoekin negoziaziatzen ari diren uneotan. Europako Banku Zentralak bezperan iragarri zuen ez zituela Greziako bonoak onartuko, Syrizaren gobernu berriaren gaineko presioa areagotuz.
aurre egingo dieten hedabide independenteak
“Yanis Varufakis, Yanis Varufakis, Yanis Varufakis”, Finantza ministroaren izena kantuan ibili dira manifestariak Alberto Sicilia kazetariak bertatik jaso duenez. "Amaitu da Grezia belauniko eta gobernu sumisoak izan dituen garaia” edo “Ez gara berriz ere txantaian eroriko” oihuek ere Syntagma plaza hartu dute.
Hesirik ez, istilurik ez
Aipatzekoa da, Syntagma plazan, manifestariak eraikinetik bereizten zituen burdinezko hesiak kendu dituela Tsiprasek gidatutako gobernuak. Gobernura heldu eta hartu dituen lehen neurrietako bat izan da.
