ARGIA.eus

2022ko urtarrilaren 19a

Tsipras: "Ez dugu etsiko zorra berregituratzea lortu arte"

  • Syrizaren bigarren kongresuan Alexis Tsiprasek ikusmin handia sortu duen hitzaldia egin du. Aurrera begirako politika marraztu du greziar presidenteak. Hibai Arbide kazetariak jarraitu du ekitaldia Twitter bidez.

ARGIA @argia
2016ko urriaren 13a

"Joan den urtekoa ez zen negoziazioa izan, xantaia bat baizik". Horrelaxe hasi du Alexis Tsiprasek bere hitzaldia Atenasen Syrizaren II. Kongresuan, gobernuan denetik lehena. Hibai Arbide Aza kazetariak laburbildu ditu bere esanak Twitter bidez eta kronika honen iturri nagusia izan da.

Iaz Troikari onartutako erreskateaz jardun da batez ere Tsipras hitzaldiaren hasieran eta horrek Grezian utzitako egoera konplikatuaz. Bere esanetan eurotik ateratzea ez zen irtenbide bat, "hori ez zen garaipen bat, Schaübleren plana baizik, plan nazionalista bat gehiago hondoratuko gintuena". Hala ere onartu du erabaki zailak hartu behar izan zituztela "beste aukerarik ez" zutelako.

Greziar presidenteak agindu du akordioa beteko dutela, baina garbi utziz zorra berregituratzea lortu dutela "ez dugu etsiko hori lortu arte". Horretarako, azaldu du, gero eta babes gehiago sumatzen du gobernuak "sektore askok onartzen dute jadanik".

PASOK "erregimen zaharreko" alderdi gisa izendatu ondoren, politika neoliberalek deuseztaturiko osasungintza unibertsala itzuli dutela gogorarazi du eta iragarri du 10.000 mediku berri kontratatzeko plana esku artean dutela.

Alderdi barrurako mezuak ere jaurti ditu Tsiprasek: "Ezin dugu alderdi zaharrak bezalakoa izan, inoiz. Syriza gobernu-alderdia da baina erakutsi behar dugu bestelako etika bat daukagula. Ez gara beraiek".

Europari begira hainbat hausnarketa egin ditu mandatariak: "2015eko hauteskundeak irabaztea posible izan zen ezkerreko aukerak plazetako mugimendu handiekin bat egin zuelako. Zein aliantza eta eremu politiko daude Europan eraldaketa soziala hasteko? Horixe da pentsatu behar duguna".

 

 

Kanal hauetan artxibatua: EB Grezia estutzen  |  Euroa

EB Grezia estutzen kanaletik interesatuko zaizu...
2020-07-16 | Mikel Eizagirre
Yanis Varoufakis
"Troikaren itzuleraren beldur bazara, badituzu horretarako arrazoiak. Troika itzuli egingo da"

Greziako Finantza ministro ohia susperraldi-funtsaren inguruko negoziazioez mintzatu da El Diario.es egunkariari eskainitako elkarrizketan. Asteburu hontan egingo da goi-bilera, eta Europar Batasuneko herrialdeek koronabirusaren efektuak leuntzeko funts komuna jasotzeko... [+]


Itaka

Itakan antzeztu du uda honetan Tsiprasek finantza erreskatearen amaiera. Abuztuaren 21ean emandako liturgia hartan solemnitate handiz mintzatu zen Odisea modernoaren bukaeraz.

Greziako kontinentearen mendebaldeko kostaldean dago Itaka, itsaso jonikoan. Handik mendebaldera,... [+]


2017-01-25 | Zabaldi
Nazioartea
Elkartasuna eta desobedientzia berriz ere kriminalizatuak

Iragan uztailaren 27an, Zabaldiko bi kide, brigada internazionalisten prestakuntza lanean ari ziren Tesalonikan. Hurriyako etxea hustua izan zen eta bi kideak atxilotuak. Urtarrilaren 26an, ostegunean, epaituak izanen dira.


'Osasun Grexitik ez!' diru gabeko greziarrak hiltzera ez kondenatzeko

Europako oligarkiak ezarritako politika ekonomikoak bere murrizketekin Greziaren osasun sistema publikoa Hirugarren Mundukoen mailaraino hondoratu duenean, milaka mediku, zaintzaile eta klase guztietako herritar ahalegintzen dira artatzen dirurik ezagatik bazterrean geratutako... [+]


Atenasko porrotetik Parisko sarraskietara, garai konplikatuak Europako ezkerrentzat

Ezkerraren itxaropen zaharberrituekin ekin urte berriari eta alde guztietako kontserbadore eta inmobilistek aldarrikatutako Zibilizazioen Talkaren edizio odoltsuekin burutu, horra zein izan den 2015 honen patua. Disney World edo Port Aventurako txirrista erraldoietako batean... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude