Milaka familiak argindarraren fakturari aurre egin ezin diotela salatu du Bilboko Maizterren sindikatuak
Asteazken honetan pobrezia energetikoaren aurkako Europako eguna izan dela baliatuz, Bilboko Maizterren sindikatuak milaka eta milaka familia argindarraren fakturari aurre egin ezinik daudela salatu du.
Eusko Jaurlaritzak Pobrezia eta Gizarte Ezberdintasunen inguruan egindako azken inkestako datuen arabera, Euskal Autonomia Erkidegoan 200.000 pertsona baina gehiagok ezin dute neguko hilabeteetan tenperatura egoki bat mantendu etxean. Bilboko Maizterren sindikatuak azpimarratu duenez, 2008tik kopuru hori bikoiztu egin da eta "COVID19ak eragindako krisi ekonomikoaren ondorioz handitzen ari da".
Milaka familiek etxebizitzarekiko bizi duten arazoa pobrezia energetikoarekin guztiz loturik dagoela adierazi dute, eta bereziki emakumeen kasuan. "Etxe kaleratzeak eta berogailua ezin piztea arazo berdinaren bi aurpegi dira".
Urtearen hasieran, argiaren prezioak %27 egin zuen gora eta hiriko familia askori fakturei aurre egitea ezinezkoa egiten zaiela salatu du. Era berean, sindikatuko kideen ustez, Eusko Jaurlaritzak eta Bilboko Udalak erakusten duten "pasitibateak" energia eskubidea ezinezko bilakatzen du eta horregatik, norabide aldaketa bat "beharrezkoa" da. "Horniketa eteteen debeku erreala energia sektorearen publifikazioaren eta prezioen kontrolaren eskutik joan behar dira. Etxebizitza duin baterako eskubide unibertsala eta pertsona guztiek energiarako dugun eskubidea guztiz lotuta daude", azaldu du.
Espainiako Gobernuak ezarritako zerga jaitsieren neurria iraungi egingo da urte honen amaieran.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Iruñeko Udalak 324.885 eurora handitu du Gabonetako argietara bideratutako aurrekontua. Azaroaren amaieran –San Saturnino egunaren bueltan– piztuko dituzte, eta urtarrilaren 6an itzali.
Batez beste 209 euro aurreztu dira etxebizitza bakoitzean, ESADEk egindako ikerketaren arabera.
Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]