Mercedeseko furgonetak suntsitu zituen gizona indarkeria matxistagatik espetxeratu dute
Duela gutxi, Miranda Ebroko gizonezkoari sei hilabeteko espetxe zigorra ezarri diote, kaleko katu bat urkatzeagatik; gainera, horren harira, hainbat kausa ditu zabalik, animaliak babesteko elkarteko hainbat kide mehatxatzeagatik.
Oraingoan, bere bikotekide ohiaren aurkako genero indarkeria delitu batengatik espetxeratu dute azken egunetan, Diario de Burgos hedabideak argitaratu duenez. Bortizkeriaz eta labana handi batekin sartu zen biktimaren etxera, hainbat hilabetetan zehar jazarri ondoren.
Behin-behineko espetxeratzea
38 urteko erasotzaileak agenteak etxera iritsi aurretik ihes egin zuen. 37 urteko emakumea, ordea, osasun zentro batera eraman behar izan zuten, antsietate eraso bat jasaten ari zelako. Ondoren, salaketa jarri zuen, azalduz tratu txar fisiko eta psikologikoak jasan zituela bikotea izan ziren denbora osoan; harremana eten ondoren, gainera, atxilotuak emakumea eta bere ingurukoa jazartzen jarraitu zuen, eta lagun baten autoaren gurpilak zulatzera iritsi zen.
Segurtasun indarren arabera, neska "muturreko arrisku-mailan" zegoen, eta, beraz, hura babesteko dispositibo berezi bat ezarri zuten. Horrekin batera, erasotzailearen bilaketa areagotu zuten, atxilotu arte. Hala ere, epaileak aske utzi zuen, biktimarengandik urruntzeko aginduarekin.
Handik hiru egunera, maiatzaren 21eko goizaldean, Miranda Ebroko udaltzainek maniobra arraroak egiten ari zen auto bat geldiarazi egin zuten; gidaria mozkortuta egotearen sintoma argiak zituen. Orduan, gidaria gizonezkoa bera zen, eta, Diario de Burgos hedabidearen arabera, bikotekide ohia hiltzeko asmoa agertu zien agenteei, jarrera oldarkorrarekin. Gainera, ibilgailua miatzean, hiru arma zuri aurkitu zituzten.
Espainiako Polizia biktimaren etxera bertaratu zen, bere osasun egoera egiaztatzera. Neska oso aztoratuta zegoen, ordu batzuk lehenago erasotzaileak berriz ere atea bortxatu baitzuen etxean sartzeko; halere, une horretan emakumea ez zegoen etxean. Horregatik, Poliziak gizona atxilotu zuen, mehatxu delitu bat eta urruntze-agindua urratzea egotzita. Kasu honetan, epaileak behin-behineko espetxeratzea agindu zuen.
Mercedeseko hondeamakina
Iragan Gabonetan, oihartzun handia izan zuen gizonezko honen beste ekintza batek. Izan ere, Gasteizko Mercedes lantegiko 69 furgoneta hondeamakina batekin suntsitu eta bost milioi euro inguruko kalteak eragin zituen pertsona bera da. Enpresatik kaleratu zutelako mendeku gisa egin zuen. Auzi hori instrukzio fasean dago oraindik.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]