UNHCR Errefuxiatuen aldeko Nazio Batuen Agentziak gertakariaren berri eman du:

Itsasontzia Italiara bidean zihoan. Libiako hiriburutik, Tripoli, atera zen astelehen gauean. Hiru ordu geroago larrialdi abisua eman zuen, baina Libiako uretan zegoenez, Italiako kostazainek  ezin zutela erreskatatu esan zieten. Momentu horretan Libiara bueltatzen saiatu ziren, baina ontziko arduradunak ezetz esan zuen. Handik gutxira ontzia bitan zatitu zen. Bidaiarien erdiak ontzian mantendu ziren;  beste erdien berri ez dago oraindik.   Erreskate taldeak eguerdiko ordu bietan iritsi ziren tokira.

Erreskatatu dituzten lagunak Mali, Senegal, Nigeria eta Ganbiatik zetozen.

Italiako kostazainek erreskatearen bideo bat zabaldu dute.

Astelehenetik 1.700 pertsona erreskatatu dituzte Mediterraneo itsasoan, Corriere telebista italiarrak emandako datuen arabera.