1976ko martxoaren 3ko gertakariengatik “barkamena eskatzeko eta giza eskubideak urratu zirela onartzeko”, exijitu dio Gasteizko alkate Gorka Urtaranek Espainiako Gobernuko hurrengo presidenteari. Aurten 40 urte bete dira eta Martxoak 3 elkarteak jardunaldiak antolatu ditu, “40 urteko zigorgabetasuna. Egia, justizia eta erreparazioa” lemapean. Egun hartan, Espainiako Poliziak bost langile hil eta ehun inguru zauritu zituen Gasteizen.
Urtaranek hitza hartu zuen jardunaldien irekiera ekitaldian. Erantzukizunak bere gain hartzea eskatu dio Gasteizko alkateak Espainiako Gobernuari: “Bera da 1976ko martxoaren 3an izandako gertakarien erantzule. David Cameron eta Angela Merkelek Bloody Sunday edo nazien holokaustoagatik barkamena eskatu duten bezala, Espainiako Estatuak ere barkamena eska dezala”.
Biktima guztiek eskubide eta trataera bera izan behar dutela aldarrikatu du Urtaranek, “denek merezi dutelako egia jakitea”. Bere esanetan, Estatuak ezin ditu martxoaren 3ko biktimak ahantzi, “erantzukizunak argitu behar dira, familiek behar bezalako erreparazioa eta eragindako minaren aitorpena jaso dezaten”.
Gasteizko Udalak harrera berezia egin zion Lluis Llachi asteartean; duela 40 urteko sarraskia salatu nahian, “Campanades a morts” abestia sortu zuen abeslariak. Llach ohorezko herritar izendatzen saiatu dira udal gobernuko zenbait alderdi, baina PPk eta PSEk aitortza hori saihestu dute.
Pintada faxistak
1976ko martxoaren 3an hildako bost lagunen omenezko monolitoei eraso egin diete astelehen gauean. Gasteizko Zaramaga auzoko –gertaerak izan ziren auzoan– eta Dulantziko oroigarriak izan dira kaltetuak; Espainiako banderak marraztu eta Falangeko pegatinak jarri dituzte. Instituzio, alderdi eta sindikatuek erasoa gaitzetsi dute.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.