Martxoaren 3ko biktimak eta Martin Villa aurrez aurre: "Oroitzen al zara Gasteizez?"

  • Eva Barroso eta José Luis Martínez Ocio martxoaren 3an hil zituzten bi langileren anai arrebak  kasualitatez topatu dira Martin Villarekin Espainiako Kongresuaren kanpoaldean. Hamar minutuz hizketan egon dira, eta langileak hiltzea gaizki egon zela esatea eskatu diote ministro frankista ohiari.

Xalba Ramirez @xalbaram
2017ko ekainaren 30a
Eva Barroso eta José Luis Martínez Ocio Martín Villarekin topot egin duten unea. (Arg.:Marian Beitialarrangoitia)

Barroso eta Martínez Ocio, Unidos Podemosek antolatutako Madrilgo frankismoaren biktimen omenaldi batean parte hartzen ari ziren eta Villa frankismo ondorengo lehen hauteskundeen 40 urteurreneko ekitaldiagatik domina bat jasotzera zihoan.

Hamar minutu iraun duen elkarrizketan, biktimek bere burua aurkeztu dutenean Villak deklaratzeko prest dagoela esan die, ez duelako inongo masakrerekin zer ikusirik, bere esanetan. Hori errepikatu baino ez duela egin esan diote Barrosok eta Martínez Ociok eldiario.es-i, deklarazio politikorik espero ez arren, gutxienez gaizki egon zela eta barkamena eskatu behar dela entzutea espero dute oraindik.

Martin Villa  harreman sindikaletarako ministro frankista zen, 1976ko martxoaren 3an Gasteizen bost langile hil eta ehun zauritu zituzten polizien arduradun zelakoan, 2014an Argentinako María Servini epaileak nazioarteko bilatze eta atxilotze agindua eman zuen bere kontra. Deklaratzeko prest dagoela baina Espainiako Estatuko goi instantzia judizialek ez diotela uzten esan die Villak biktimei.

Hunkituak geratu dira biktimak espero ez zuten aurrez aurrearen ostean. “Urteak daramatzagu gorrotoa, amorrua eta herra etxekotu nahian –azaldu du Barrosok–, baina bere nagusikeriaren aurrean ezin izan diot eutsi eta zera esan diot: ‘oso zaharra zara eta lehenago edo beranduago hil egingo zara. Orduan, ez dakit non baina gure aitarekin topo egingo duzu, eta ziur egon berak ez dizula nik bezain lasai hitz egingo”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


1976ko martxoaren 3a kanaletik interesatuko zaizu...
2019-03-04 | Hala Bedi
Memoria inklusiboa aldarri Martxoaren 3ko sarraskiaren 43.urteurrenean

Igande arratsaldea izanda ere, milaka lagun atera dira Gasteizko kaleetara Pedro María Martínez Ocio, Francisco Aznar, Romualdo Barroso, José Castillo eta Bienvenido Pereda gogoratzeko. Herri mugimenduko eragileek indarrak batzeko deia luzatu dute, bakoitza bere “lubakietatik” ateratzeko deia eginez. Bide batez, Martxoaren 8ko Greba Feministan kaleak hartzeko aldarria egin dute.


2019-03-01 | Hala Bedi
Bideoa
Martxoaren 3a, defendatu beharreko memoriaren barrikada

Letra eta irudiekin bildu ditu Errekaleor Bizirik!-ek Gasteizko Martxoaren 3ko gertakari lazgarriak. Igandean 43 urte beteko dira sarraskia gertatu zenetik, orduko irudiak erabili ditu auzo askeak Romualdo Barroso bizilaguna eta gainontzeko langileak oroitzeko.


2019-03-01 | Arabako Alea
Margolan berria Errekaleorren: Martxoaren 3an hil zuten Romualdo Barroso bizilagunaren eraikinean

Romualdo Barrosoren etxearen horman egin du margolana Irantzu Lekuek.


2019-03-01 | Juan Mari Arregi
M3tik M8ra, intsumisioa kapitalismoari

Martxoaren lehen aste honetan bi data garrantzitsuk bat egiten dute: Gasteizen martxoaren 3an duela 43 urte gertaturiko bost grebalariren sarraskia batetik, eta martxoaren 8an antolatutako emakumeen greba orokorra bestetik.


2019-02-26 | Arabako Alea
Aldaketa sozialean eragiteko bost giltzarri, martxoaren 3ko sarraskiaren 43. urteurrenean

Martxoaren 3ko sarraskia gogoratzeko ekitaldia aurkeztu dute.


2019-02-22 | Axier Lopez
Martin Villa barne ministro frankista pertsona "non grata" izendatu du Gasteizko Udalak

Ostiralean Gasteizko udalbatzak onartu du Frankismoaren aurkako plataformak sustatutako mozioa, EAJ, EH Bildu, Podemos eta Irabaziren aldeko bozekin. PP eta PSE-EE kontra azaldu dira. 1976ko martxoaren hiruko sarraskiaren arduradun politikoetako bat da Rodolfo Martin Villa.


2018-12-10 | ARGIA
Martxoak 3 elkartea Urtaranen Gobernuarekin eta EiTBrekin minduta agertu da

Gasteizen kokatuko den Terrorismoaren Biktimen Oroimenerako Zentroak ez ditu bere baitan hartuko Martxoaren 3ko biktimak. Honen gainean galdegin dio EiTBk Martxoak 3 elkarteari, eta horren harira izandako hartu-emanaren ostean, hedabideak zein Urtaranen Gobernuak erakutsitako jarrera gaitzetsi du elkarteak.


2018-10-02 | Hala Bedi
Memoria Gara ekimena
"San Frantzisko eliza memoriaren ikur bihurtu nahi dugu"

Larunbatean “Memoria Gara” ekimena aurkeztu zuten hainbat lagunek Gasteizen, Zaramagako San Frantzisko eliza Memoria eta Giza Eskubideen Zentroa bihurtu dadin eskatzeko. 1976ko martxoaren 3ko biktimen erreparazio eta oroimenean beharrezko pauso bezala aldarrikatu zuten elizaren erabilera.


Rodolfo Martin Villa frankismoaren ministro ohia berriz galdekatu nahi du Servini epaileak

Hainbat hilketa egozten dizkio Servinik ministro ohiari. Horien artean daude 1976ko martxoaren 3an Gasteizen Polizia Armatuak hil zituen bost langileenak.


Azkenak
EGILEA
Eguneraketa berriak daude