Emakumeak borrokan
Bideoa

Martxoaren 3a, defendatu beharreko memoriaren barrikada

  • Letra eta irudiekin bildu ditu Errekaleor Bizirik!-ek Gasteizko Martxoaren 3ko gertakari lazgarriak. Igandean 43 urte beteko dira sarraskia gertatu zenetik, orduko irudiak erabili ditu auzo askeak Romualdo Barroso bizilaguna eta gainontzeko langileak oroitzeko.

Hala Bedi @halabedi
2019ko martxoaren 01a

 

 

Igandean manifestazio nagusia 18:00etan abiatuko da Gasteizko Zaramaga auzotik..

Martxoaren 1ean, ostiralean, 17:00etatik aurrera hainbat ekimen izango dira auzoan:

  • 17:00 Hitzaldia: Martxoaren 3a eta autonomia (Beltza).
  • 19:00 Solasaldia: Martxoaren 3a gaur egunera ekarriz (Alitxu Martínez del Campo).
  • 21:00 Omenaldia: Romualdo Barroso zineman.
  • 22:00 Kontzertuak: 47 de Fevreiro, Konpost eta Zorriak.

Errekaleorreko bideoa eta abestiaren letra osorik:

Martxoaren 3a da
Errepresio krudela,
Berunez berrezartzea
Diruaren erregela,
Batzuentzat zauri latzak
Besteentzako kartzela
Martinez Ociok odolez
Idatzi zigun eskela
Burgesek jauregia
Eta zeruan partzela
Guk alienazioa ta
Intxaurrondoko kuartela
Argi ikusi genuen
Aurrekoetan bezela
Mende berri hontan ere
Desjabetuak garela

Martxoaren 3a da
Memoriari bisita
Non batzen diren Bentaundi,
Rojava eta Gernika.
Bienvenido Peredak
Utzi zuenez fabrika
Kale izkinan geratu zen
Txakurren balaz josita.
Berriro ikusten dugu
Burgesiaren taktika
Langileak anulatuz
Demokraziaz jantzita
Nahiz urtean behin manifa
Gera daiteken polita
Bihur dezagun borroka
Eguneroko praktika

Martxoaren 3a da
Iraultzaren oroimena
Francisco Aznar Clemente
Adieraziz kemena
Etorkizun oparoan
jarrita itxaropena
Langileriaren alde
Berak eman zuen dena
Asanbladarentzako
Botere guztia lema
Zuei esker mantendu da
Urte luzetan barrena
Zirriborratu zenuten
Non dagoen garaipena
Jarraitzea dagokigu
Zuek hasi zenutena

 

Martxoaren 3a da
Euskaldunon intifada
Defendatu behar dugun
Memoriaren barrikada
Beldurtu genituenez
Oldartu zen txakurrada
Jose Castillo hil zuten
Gure eskarmentu gisara
Begira nola aldatu
Diren gauzak kamarada
Zeozer aldatu dugu ala
Gu aldatu gara?
Gaur egunera ekarri
Behar dugu Zaramaga
Ez baita ezer aldatzen
Dena aldatzen ez bada.

Martxoaren 3a da
Mantxa gorria arropan
Romualdo Barroso hilik
Ta batzuk txanpaina kopan
Ustezko demokrazia
Saltzen diguten Europan
Langilearen odola
Eros daiteke eurotan
Ikasi genuen dena
Jar daitekela kolokan
Zuen odola zainetan
Zuen izenak ahotan
Borrokan erortzen dena
Bizi delako borrokan
Borrokan erortzen dena
Bizirik dago borrokan

 


 

 

Albiste hau Hala Bedik argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


1976ko martxoaren 3a kanaletik interesatuko zaizu...
2019-03-04 | Hala Bedi
Memoria inklusiboa aldarri Martxoaren 3ko sarraskiaren 43.urteurrenean

Igande arratsaldea izanda ere, milaka lagun atera dira Gasteizko kaleetara Pedro María Martínez Ocio, Francisco Aznar, Romualdo Barroso, José Castillo eta Bienvenido Pereda gogoratzeko. Herri mugimenduko eragileek indarrak batzeko deia luzatu dute, bakoitza bere “lubakietatik” ateratzeko deia eginez. Bide batez, Martxoaren 8ko Greba Feministan kaleak hartzeko aldarria egin dute.


2019-03-01 | Arabako Alea
Margolan berria Errekaleorren: Martxoaren 3an hil zuten Romualdo Barroso bizilagunaren eraikinean

Romualdo Barrosoren etxearen horman egin du margolana Irantzu Lekuek.


2019-03-01 | Juan Mari Arregi
M3tik M8ra, intsumisioa kapitalismoari

Martxoaren lehen aste honetan bi data garrantzitsuk bat egiten dute: Gasteizen martxoaren 3an duela 43 urte gertaturiko bost grebalariren sarraskia batetik, eta martxoaren 8an antolatutako emakumeen greba orokorra bestetik.


2019-02-26 | Arabako Alea
Aldaketa sozialean eragiteko bost giltzarri, martxoaren 3ko sarraskiaren 43. urteurrenean

Martxoaren 3ko sarraskia gogoratzeko ekitaldia aurkeztu dute.


2019-02-22 | Axier Lopez
Martin Villa barne ministro frankista pertsona "non grata" izendatu du Gasteizko Udalak

Ostiralean Gasteizko udalbatzak onartu du Frankismoaren aurkako plataformak sustatutako mozioa, EAJ, EH Bildu, Podemos eta Irabaziren aldeko bozekin. PP eta PSE-EE kontra azaldu dira. 1976ko martxoaren hiruko sarraskiaren arduradun politikoetako bat da Rodolfo Martin Villa.


2018-12-10 | ARGIA
Martxoak 3 elkartea Urtaranen Gobernuarekin eta EiTBrekin minduta agertu da

Gasteizen kokatuko den Terrorismoaren Biktimen Oroimenerako Zentroak ez ditu bere baitan hartuko Martxoaren 3ko biktimak. Honen gainean galdegin dio EiTBk Martxoak 3 elkarteari, eta horren harira izandako hartu-emanaren ostean, hedabideak zein Urtaranen Gobernuak erakutsitako jarrera gaitzetsi du elkarteak.


2018-10-02 | Hala Bedi
Memoria Gara ekimena
"San Frantzisko eliza memoriaren ikur bihurtu nahi dugu"

Larunbatean “Memoria Gara” ekimena aurkeztu zuten hainbat lagunek Gasteizen, Zaramagako San Frantzisko eliza Memoria eta Giza Eskubideen Zentroa bihurtu dadin eskatzeko. 1976ko martxoaren 3ko biktimen erreparazio eta oroimenean beharrezko pauso bezala aldarrikatu zuten elizaren erabilera.


Rodolfo Martin Villa frankismoaren ministro ohia berriz galdekatu nahi du Servini epaileak

Hainbat hilketa egozten dizkio Servinik ministro ohiari. Horien artean daude 1976ko martxoaren 3an Gasteizen Polizia Armatuak hil zituen bost langileenak.


2018-09-27 | Hamaika Telebista
"Martxoaren 3ko kasuan, egiaren aitortza eta zigorgabetasunaren amaiera nahi ditugu"
MULTIMEDIA - erreportajea

1976ko martxoaren 3an Espainiako Poliziak Gasteizen egindako sarraskia Arabako herritarren oroimen kolektiboan iltzatuta geratu da. 42 urte geroago, justiziaren aldeko aldarriak bizirik jarraitzen du. Martxoak 3 elkarteak, egia eta biktimentzako aitortza eskatzeaz gain, arduradunen zigorgabetasuna salatu du. Horretarako, Argentinan, Servini epailearen bitartez, bide judizialari ekin dio eta Bruselan europarlamentariekin biltzeko aukera izan du. Gasteiztarren oroimen kolektiboa markatu duen... [+]


Eguneraketa berriak daude