Milaka ikasle atera dira kalera hezkuntza sistema propioaren alde, eta 12 ikasle atxilotu dituzte

Zuzeneko jarraipena
  • Protesta eguna antolatu dute ikasleek "Euskal Herriak hezkuntza sistema propioa" behar duela aldarrikatzeko. "Eredu euskalduna, herritarra, askatzailea eta feminista", exijitu diete Euskal Herriko eragileei eta, oro har, hezkuntza komunitate osoari. Besteak beste, Donostia, Bilbo, Iruñea, Gasteiz eta Baionan egingo dituzte protestak.


2016ko martxoaren 17an - 11:29
Gakoak
Kontzentrazioak egingo dituzte Iruñean eta Gasteizen atxiloketak salatzeko

8 ikasle atxilotu dituzte Gasteizen, eta 4 Iruñean

 

 

 

 

Lau ikasle identifikatu ditu Ertzaintzak Bilboko Hezkuntza Delegaritzaren aurrean egindako eserialdian

 

 

 

 

 

Hainbat ikasle atxilotzen ari da Ertzaintza
 

 

Istiluak izan dira Gasteizen eta Iruñean

 

 

Zutabeak Andre Mari Zuriaren plazan elkartu dira Gasteizen

12:00etan hiru zutabe abiatu dira Gasteizko txoko ezberdinetatik, Andre Mari Zuriaren plazan elkartu eta manifestazioari ekin diote.

 

Bilbon, elkartasuna San Mameseko Herri Unibertsitatetik aterarazi zituztenekin

Bilboko ikasleek 11:30ean hasi dute manifestazioa San Mameseko Unibertsitate ondotik. Astelehenean bertako Herri Unibertsitatetik irtenarazi zituztenei elkartasuna adierazi nahian, Ingeniaritza Fakultatea okupatu dute. Areatzan egin behar zituzten tailerrei ekingo diete.

 

Iruñean, abian da manifestazioa

Abian da Iruñeko manifestazioa. UPNren egoitza azpira iristean, txistuak eta "UPN kanpora" aldarriak nagusitu dira.

 

 

Europako bandera kendu dute Donostian

Europako bandera kendu dute Europa plazatik goizean goiz. Piketeak antolatu dituzte; "konforntazioa sortzeko, baina baita informazioa zabaltzeko ere". Ikasle Abertzaleek salatu dute ikasle batzuk identifikatu eta miatu dituztela, pankarta bat ere kendu diete. 11:00etan hasi dute manifestazioa Ibaetako campuseko aulatoriotik.

 

 

 

Ertzaintza azaldu da Gasteizko campusean

Gasteizko ikasleek piketeak antolatu dituzte; 8:30ean hasi dira. Ingeniaritza, Magisteritza eta Farmazia fakultateak eta Aularioa ixtea lortu dute, Hara ba!k jakinarazi duenez. Ertzaintza azaldu da, baina ez dira campusean sartu, horretarako baimenik lortu ez dutelako. Hala ere, ikasle talde bat eduki du paretaren aurka, kontrolpean. 12:30ean hasiko dute manifestazioa Andre Mari Zuriaren plazan.

 

Iruñean goizean goizetik

Nafarroako Unibertsitate Publikoko ikasleek goizean goiz hasi dute protesta. Piketeak antolatu dituzte.

 

 

Protestarako deia Euskal Herriko hiriburu eta herrietan

Ikasle Abertzaleek protestak antolatu dituzte, Hezkuntza sistema propioa aldarrikatu nahian. Horretarako mobilizazioak antolatu dituzte Euskal Herriko hiriburu zein herrietan. Donostian egingo dute lehena, 11:00etan.

 

 


Kanal honetatik interesatuko zaizu: Ikasle mugimendua
Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Hezkuntza "pribatizaziotik" ateratzeko, borroka

Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]


EHUren “izaera poliziala” salatu dute ehunka ikaslek Gasteizen

Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.


Greba antolatu du martxoaren 13rako Ikasle Abertzaleak-ek

Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]


Eroritako sabaiak, itoginak, hezetasunak... EHUren eraikinetako baldintzak salatu dituzte

Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]


Eguneraketa berriak daude