Azkeen asteetan, Urruñan eta Hendaian bezala, Getarian ere margoketak egin dituzte hutsak dauden zenbait bigarren etxebizitzatan.
Asteburuan, "Etxe hutsa=etxe libre!" edota "Aski da!" mezuak idatzi dituzte Getarian hutsik dauden bigarren etxebizitzetan. Aurreko asteetan Hendaian etxebizitzen prezioak salatzeko margoketak egin ziren eta Urruñan paristarrei zuzendutako kartelak ere jarri zituzten.
Getariako margoketak etxe pribatuetan, higiezinen-agentzia bulego batean eta herriko zenbait paretetan agertu dira, herrian bigarren etxebizitzen kopuruak sortzen duen arazoa agerian utziz. Izan ere, Getariako etxeen %50 baino gehiago bigarren etxebizitzak dira.
Getariako auzapezak azaldu duenez, komisaldegian bi salaketa aurkeztu dira eta margoketak ezabatzeari ekin diote. Urtean behin halako ekintzak egiten direla adierazi du: "Zoritxarren ohituak gara". Bere ustez, kostaldeko problematiken berri emateko beste modu batzuk daudela gaineratu du.
Getarikoaz gain, antzeko gertakariak izan dira Ipar Euskal Herrian, pil-pilean baitago gaia. Hendaian, etxebizitzen metro koadroen prezioak salatu zituzten margoketen bidez eta Bidarraiko mendietan 600.000 eurotan saldu zen etxe batean ere margoketak egin ziren pasa den urtarrilean. Urruñan, ordea, bigarren etxebizitzak dituzten paristarrei zuzendutako ekintzak egin zituzten, etxera itzultzeko gonbidapena luzatuz.
Duela sei urte 250.000 eurotan erositako Aiherrako etxe bat, egun 1,6 milioi eurotan salgai. Joan den larunbatean Hazparneko Puyo higiezin agentzian sartu dira 50 herritar inguru Etxetxuri etxaldearen salmenta espekulatiboa salatzeko. Ekintza iraun bitartean agentziako... [+]
2024ko urtarrilaren 1etik goiti, Ipar Euskal Herrian bigarren etxebizitza bat erostekotan diren pertsonak gonbidatuko ditu Herrian Bizi plataformak jadanik bigarren etxebizitza gisa baliatuak diren etxe edo apartamendu bat erostera.
Aiherrako Herriko Etxea arranguraturik agertu da 250.000 eurotan erosia izan zen etxe bat, abantsu 1,6 milioi eurotan salgai ezarri ondotik. Etxexuri egoitza 2017an erosi zuten gaur egungo jabeek, eta arraberritzen lan handiak egin zituzten; ganerra eta barnea berregin zituzten,... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]