Maravillas aurrera! Gaztetxe eta gune autogestionatuak aurrera!

  • Aldaketarako lanabesak ere direlako. Lantegiak, ikastetxeak, euskaltegiak, auzo elkarteak, herri komunikabideak eta bestelako tresna eta guneak bezala, gaztetxeek aldaketa bultzatu, eta hauek ere, egunez-egun eraikitzen dutelako.

Sortu
2018ko abuztuaren 10a

Gure herrian auzolanaren kulturak mendeak ditu, horrela ikasi baitugu euskaldunok komunitatea babesten, ondokoa laguntzen, eta guztiona dena guztion lanaz zaintzen eta aurrera eramaten. Horrelako proiektuen erdi-erdian hori dugu, auzolana, eta holako proiektuen defentsan horrela aritu behar gara, aldaketaren aurkako eraso ororen aurrean bezala, kalera ateraz eta herri proiektu ezberdinak babestuz.

Gaztetxeak, auzo elkarteak edota gune autogestionatuak bezala, auzoei, herriei bizia ematen diete. Aldaketan sakontzeko tresnak dira. Bertan, proiektu zabal eta anitz ezberdinak eramaten dira aurrera. Herritarren topaleku dira, hauek ahaldundu eta ametsak egi bihurtzeko espazioak. Horrelako proiektuak, herritarrak antolatu eta aritzeko alternatiba lokalak dira, eraldaketa sozialerako baldintzak ereiteko eremuak. Finean, gure herriarentzako eraldaketa sozial sakona bilatzen dugunok, hori behetik gora eraiki behar dela baitakigu.

Aldaketan sakontzeko eta aurrera egiteko indar eta tentsio sortzaileen arteko dialektika ezinbesteko da. Kontraesanak izan eta hauek gaindituz aurrera jarraitzea. Gazteenetik hasita, zaharreraino, herriaren bizitzan eta antolaketa sortzaile eta eraldatzailean sinisten dugu. Aldaketa anitza eta zabala da, eta honen alde lan egiten dugun herritarrak milaka gara, bakoitza bere espazio zein proiektutik. Denak beharrezkoak, denak ezinbestekoak. Elkarlan zintzoa oinarri, guztiona den aldaketa bultzatuko dugunak.

Horregatik, ez dugu ulertzen Geroa Baik harturiko jarrera, desalojo preventiboa eskatuz. Eta Maravillasekin interlokuzioa berrabiarazteko deia egiten diogu. Desalojoa ematen bada, aldaketa da galtzailea, eta erregimena irabazlea (UPN-PSN-botere faktikoak); eta ematen ez bada, guztiok jarrai dezakegulako aldaketaren aldeko gure aletxoa ematen, guztiok gara irabazle, aldaketa da irabazle. Erregimenak bereak eta bi eginen ditu aldaketa eta honen grina kamusteko, horretan dabil eta ibiliko da; udaletxera gobernatzera bueltatzea baitu helburu.

Hortaz jarrai dezagun gaztetxeetan, kalean, institutuetan, udaletxean eta behar diren espazio guztietan aldaketa bultzatzen eta defendatzen. Geldiezina egiteko, aldaketan sakontzen jarraitzeko eta Iruñea berri eta aske bat eraikitzeko.

Lan mardula dugu oraindik ere aurretik, eta bidea ez da erraza izango. Akatsak egingo ditugu bai, kontraesanak eduki ere bai, baina hauetaz ikasi eta aurrera eginen dugu, erori eta jaiki, erori eta jaiki!

Pepe Mujikaren hitzak ekarriko ditugu gogora amaitzeko: “Ezinezkoa, lan apur bat gehiago eskatzen digun hura da”. Gora gaztetxe eta gune autogestionatuak! Gora aldaketa! Gora Herria!

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Iru˝ea

Iritzia kanaletik interesatuko zaizu...
Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


2019-03-24 | Karmelo Landa
Zer aldatu da, zer alda daiteke?

Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.

Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin,  haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]


Idiozia

Atzerapen mental sakona adierazten du idioziak, gaixotasun mentala, alegia. Idiotak ez du gaitasun psikiko edo intelektualik. Gaiztoek badute, ostera, gaitasun psikiko eta mentala. Eta espainiarrek ere bai, salbu eta monarkiaren buru den errege bobolioak. Zitalkeria pertsonen ezaugarri intrintsekoa da eta Espainiako monarkiaren burua zitala eta idiota da, egindako baieztapenen arabera: “Ez da onargarria ustezko demokrazia bat aipatzea Zuzenbidearen gainetik. Izan ere, legeak errespetatu... [+]


Kapitalismo morerik ez, eskerrik asko

Ikusi dugu lehenago. Ekologismoa da adibide paradigmatikoa. Halaber, pink washing-a edo gaypitalismoa. Merkatuak gure borrokak irentsi, digeritu eta gorotz moduan produktu kapitalista bat iraizten digu, salmentarako prest, sistemari funtzionala egiten zaiona.
Hedabideek soldatari, goi-mailako enpresari eta politikariei, emakumezkoen futbol taldeei, zientzialari edota artista famatuei erreparatzen diete. Euskal Herrian greba feministaren antolakuntzan ibili direnek aldiz, migrazioa,... [+]


Greben hari morea

Ekonomia ikastean ez dut inoiz greba kontzeptua ikusi, nahiz eta hauen arteko lotura erabat zuzena izan. Arrazoia agerikoa da: botere ekonomikoak definitzen du zer den ekonomia. Emakumeek egindako grebatan ikusezintasuna bikoitza da, analisia gizonen eta kapitalaren betaurrekoekin egiten delako. Tarte hau baliatu nahi dut gurean egindako batzuk gogorarazteko.

1889 urtean Bilboko Santutxu auzoan lantegi gutxi batzuk zeuden. Horien artean, txakolindegiren bat eta zigarroak egiteko lantegi bat... [+]


2019-03-24 | Santi LeonÚ
GAIZKI ERRANKA
Gutuna Olentzerori

Aurten badakit zer eskatu Olentzerori, baina, martxoan egonda ere, uste dut berandu nabilela. Hauexek, nire eskaerak: aldaketaren aldeko alderdien partetik, erabakiak hartzeko ausardia handiagoa eta paktatzeko milikeria gutiago. Bai, asmatu duzue, eskuin unionistari kopiatu dizkiodan gauzak dira. Hirugarren eskaera bat ere ebatsi diot: Olentzero maitea, gure aldeko think tank bat nahi nuke.


2019-03-24 | Juan Mari Arregi
Pultsu soziala mantendu behar da

Eragile sozialen eta langile mugimenduaren historia, hala nola herriena eta jendarte osoarena, eztabaidaezina da, hemen eta mundu osoan: presioaren bidez soilik lortu dira eskubide sozial eta politikoak. Hau da, greba, elkarretaratze, manifestazio eta okupazioen bidez lortu dira, baita zenbaitetan borroka armatua tartean zela ere. Kasu horietan, pultsu politiko eta soziala mantendu da sistema kapitalista, patriarkal eta matxistaren aurrean. Honek etekinak baizik ez ditu nahi eta aldian aldiko... [+]


2019-03-21 | Eric Dicharry
Jupiter versus Janus

Poesia-errealitatea artifiziorik gabe errealitatera doa. Poetak Estatuaren ekipamenduak idazten ditu. Kaskoa: 800 euro. Defentsa bala jaurtitzailea : 650 euro. Defentsa bala: 30 euro. Gorputzaren babesa: 2.500 euro. Ezkutua: 350 euro. Borra teleskopikoa 70: euro. Granada lakrimogenoen jaurtitzailea: 2.500 euro. Borra Tonfa: 30 euro. Granada lakrimogenoa klasikoa: 15 euro. Granada lakrimogenoa GLI-F4 soinu efektuekin: 25 euro. Granada jaurtitzailea: 900 euro. Granada desinguratzerako: 20 euro.


Iraultza bolivartarra defendatzeko garaia da

20 urte bete dira Hugo Rafael Chávez Frías izeneko militar pobre eta mulato bat Gobernura iritsi eta Venezuelan garai berri bat hasi zenetik. Eta berarekin, ordurarte baztertuak zeuden miloika herritar hasi ziren herrialdearen gidaritza hartzen, bigarren independentziaranzko bidea egiten.


2019-03-20 | Topa Gaitezen
Oraina euskaratik eraikitzeko... Gazteok korrikan Plentziara!

Bi urtetik behin gertatu bezala, badator berriz ere Korrika gurera. Herri euskaldun batean amesten dugun gazteoi ezinbesteko zaigu ekimen hau gure buruan kokatzea, bi urterik behin bada ere, zentroan kokatzea. Ez zen nolanahiko apustua izan bere garaian ez. 1980an, aurreko urteetan taberna bateko mahai inguruan ernaltzen hasitako ideiari hasiera eman zitzaion; eta horrela, herri honen euskalduntzearen alde inoiz egindako ekimen handienetariko bat martxan jarri zen. Euskal Herriaren eraikuntzan... [+]


Azkenak
EGILEA
Eguneraketa berriak daude