Madrilgo La Pluma zentro sozial transfeminista hustu dute Desokupa enpresako hogei bat gizonek
Ordena judizialik barik eta indarkeriaz atera dituzte eraikinean zirenak, El Saltok informatu duenez.
Igandean eman zen jakitera Madrilgo Chueca auzoko La Pluma zentro sozial transfeministaren okupazioaren berri. Biharamunean, goizeko 08:00ak bueltan, hogei norbanako inguruk eraikina hutsarazi zuten. Hustea ordena judizialik barik eta inor polizia agente bezala identifikatu gabe burutu zuten. Hala bada, zentro sozialeko kideek hasieratik susmoa izan dute eraikina hustera gerturatutakoak huste estrajudizialak egiten dituen enpresa bateko langileak zirela.
Guztiaren atzean Desokupa enpresa zegoela argitu ahal izan dute zentro sozialeko kideek. Enpresa pribatua ezaguna da bere langileen profil biolentoagatik eta eskuin muturrarekin izan ohi duten loturagatik, eta Bartzelonan egindako esku-hartzeengatik auzitara eraman du eskubide ekonomiko, sozial eta kulturalen DESC Behatokiak. La Plumakoa ez da enpresak Madrilen egiten duen lehen agerraldia.
Behin eraikina hustuta, Madrileko Udaltzaingoa eta Espainiako Polizia gerturatu ziren Barbieri kaleko bosgarrenera. Hustean zauritutako norbanakoek polizia agenteei indarkeria zantzuak erakutsi arren, hauek ez zuten hustea burutu duen taldeko inor identifikatu edo atxilotu. Zaurituetako batzuk traumatismoengatik artatuak izan dira.
La Pluma ‘Orgullo Critico’ plataformak egindako kalejira batean okupatu zuten. Plataformak bere baitan hartzen ditu Madrilgo espazio autonomoetako, LGBTI+ mugimenduko edota mugimendu feministako hainbat kolektibo eta norbanako, geroz eta merkantilizatuago eta despolitizatuago dagoen sexu askapenaren nazioarteko egunari ikuspegi kritikoa eman asmoz.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]