Manjónek gertakarien erantzukizuna garai hartan Aznarren esku zegoen PPren Gobernuak izan zuela aldarrikatu izan du urte hauetan guztietan. Salaketa horrek eraso larriak ekarri izan dizkiola adierazi du.

Gobernuaren aldetik biktimen artean tratu desberdinak egon direla kexu da. Elkarrizketan aitortzen du ez duela babesik jaso Gobernu edo politikariengandik; bera bezalako biktimengandik eta familiagandik baizik.  “Biktimen artean familia zoragarri bat sortu dugu. Biktimen, familiaren eta nire semearen babesa edukiko ez banu, amore emanda izango nintzake aspaldi”.

Atentatuaren ondorengo egunetan erantzukizuna norabide okerrean zuzendu zutela azpimarratzen du: “Batzuentzat erantzukizunak ETArena izan behar zuen bai edo bai eta oraindik ere kudeaketa okerraren ondorioak pairatzen jarraitzen dugu”.

“Sortu zuten konspirazioaren teoriak irratian entzule gehiago izateko eta egunkariak saltzeko balio izango zien, baina bizitza asko hondatu dituzte”

Elkarrizketa osoa hemen aurki daiteke