“Energiaren %60 galdu dugu bost segundoan, ez dakigu zergatik”
Egunak argitzerako itzuli da argindarra ia-ia leku guztietara. Euskal Herrian baino atzeratuago egin du Espainiako Estatuko lekurik gehienetan, baita Portugalen ere. Normaltasun itxura gaur Euskal Herrian, baina goizeko lehen orduan ez dira funtzionatzen ari aldirietako trenak Bizkaian eta Gipuzkoan, eta partzialki Nafarroan.
aurre egingo dieten hedabide independenteak
Hogei ordu igaro dira Espainiako sare elektriko osoa kolpetik eta erabat erori zenetik, eta ez Espainiako Gobernuak eta ez Red Eléctrica enpresa hornitzaileak ez dute zer gertatu den argitu. Red Electrica Española enpresako zuzendari Eduardo Prietok itzalaldia potentziaren fluxuaren "oszilazio handiari" egotzi dio, eta baztertu egin du zibersegurtasuneko gertaera bat izan denik.
18:00etan egin zuen lehen agerraldia Espainiako Gobernuko presidente Pedro Sánchezek, nagusiki "lasaitasuna" eskatzeko. Izan ere, ia gauerdira arte ez da argindarra itzuli Madrilera, eta herritar ugari zeuden haien bizilekutik urrun, goizean lanera joateko mugitu zirelako eta ezin zutelako itzuli, kaleak argirik gabe, eta telefonoek ez zuten koberturarik; urduritzen ari zen jendea.
Ia 23:00etan azaldu zen berriz prentsaurrean Sánchez, gertaturikoaren lehen azalpenak emateko. Antza, 12:33 zirenean, Espainiako sare elektrikoak 15 gigavatio galdu ditu bost segundoko tartean; uneko energia eskaera osoaren %60 inguru. Ez dakite zergatik, eta hipotesi eta ikerketa bide guztiek zabalik jarraitzen dute.
23:00etarako, Espainiako Estatuaren penintsulako lur eremuaren %50ean berreskuratuta zegoen argindarra, baina agerikoak ziren ezberdintasunak. Esaterako, Araba, Bizkaia eta Gipuzkoan %95 baino gehiagokoa zen, Nafarroan ere %80tik goragokoa, eta beste erkidegoren batean %15 soilik.
Astearteak argitzerako, baina, goizeko 7:00etarako, Espainiako Estatuko lur eremuaren %99etara itzuli da argindarra. Mantsoagoa doa Portugalen –goizaldeko bostetarako bizilagunen erdiak baino gehiagok zuen argindarra–, baina espero dute "goizean konpontzea".
Normaltasunera itzulera?
Itzalaldiaren arratsaldean bezalaxe, hornidura itzuli ahala joan dira zerbitzuak berreskuratzen, eta hala egingo dute astearte honetan ere. Hortaz, Hego Euskal Herrian behar bezala funtzionatuko du guztiak oro har, besteak beste, Espainiako zenbait lekutan ez bezala, Hego Euskal Herriko ikastetxeak zabalik egongo dira.
Funtzionatzen ari ez dena, goizeko lehenengo orduetan, Renferen Cercanías zerbitzua da Bilbon eta Donostian. Bai, ordea, partzialki Nafarroan.
Bilboko metroa goizaldean hasi da lanean, eta Euskotrenen zerbitzua dagoeneko %100ean ari da funtzionatzen; berreskuratu dute Ermua eta Durango arteko ibilbidea, itzultzen gehien kostatu dena.
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Ustekabean edo... urte hasiera honetan bi mila milioitik gorako irabaziak izan omen ditu Iberdrolak, baina ez omen dago txapliguak, altxafuegoak, etxaferuak... edo dena delakoak zeruetara botatzeko egoeran, izan ere, iaz aldi berean baino %27 gutxiago irabazi omen du. Atalen... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Energia politikek haserreak eta desadostasun sakonak sortu dituzte ekologisten artean. Ez da gauza berririk. Hemen eta atzerrian. Hemen eta orain, nabarmen. Duela bi urte, 2023ko udaberrian, gure ikerketa taldeak (ekopol.eus) hiru mahai-inguru antolatu zituen Donostian,... [+]
Zurea ez da ekologia, zurea ideologia da!”. Espainiako oposizio buruaren hitzak dituzue, oraingoan itzalaldia aitzakia hartuta. Zer den ideologia hitza desitxuratzea; trantsizio energetikoa edota energia politika, hitzak dioen moduan, politika hutsa delako. Kapitalismoaren... [+]
Iberiar penintsulan apirilaren 28an gertatutako itzalaldiak, egungo energia sistemak dituen arrakala guztiak utzi zituen bistan. Enpresa elektriko handien diru gosea, berriztagarrien ezarpen masiboak dakartzan ajeak, eta herritarrok bizimodu hiper-elektrifikatuarekiko dugun... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
Red Eléctrica de Españak zibererasoaren aukera erabat baztertu du, eta bi instalazio fotovoltaikoetan jarri du begirada. “Operadore pribatuei erantzukizunak eskatuko dizkiegu eta berriro ez gertatzeko beharrezko neurriak aktibatuko ditugu”, adierazi du... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Gaueko 21:00etarako, Araba, Bizkaia eta Gipuzkoako %85era itzuli da hornidura energetikoa, eta Nafarroan, berriz, %50era. Egoera okerragoa bizi dute Espainian eta Portugalen: hurrenez hurren, argindarra lurraldearen %25era eta %10era iritsi da.
Sare elektrikoa erabat erori da... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]