Low costa garesti ateratzen denean: Vuelingen arazoek eragina izan dute Loiun ere
Airelinearen arabera, “akats operatiboek” eragin dituzte gora-beherak. Espainiako sustapen ministerioak eta Kataluniako Generalitateak ikerketak abiatu dituzte.
Espainiako Estatuan gertatu bezala, Euskal Herrian ere izan dute eragina Vuelingen arazoek. Hala, Loiutik Bartzelonara joatekoak ziren bi hegazkin lurrean geratu dira.
Iganderako programatuta zeuden 700 hegaldietatik hemeretzi ez ziren abiatu. Horrez gain, hainbatek atzerapenak jasan zituzten. Tartean, Loiutik Sevillara eta Amsterdamera joatekoak zirenek. Beste hainbeste gertatu zen Malaga, Milan, eta Amsterdametik Bizkaiko aireportura zetozenekin. Astelehenean, aldiz, hegaldirik ez da geratu bertan-behera, baina “trafiko arazoengatik” atzerapenarekin iritsi dira Bruselatik eta Bartzelonatik.
Pertsonal gehiago, egoerari aurre egiteko
David García Vuelingeko zuzendari orokorrak adierazi duenez, egoera dagoeneko “hobetzen ari da”. Garcíaren arabera, langile gehiago kontratatu eta lan txandak areagotu dituzte arazoak konpontzeko.
Espainiako sustapen ministerioak espedientea ireki dio airelineari, “hegaldien baliogabetzearen jatorria argitzeko”. Bere aldetik, Kataluniako Generalitateak “urgentziazko bilera” egin du, zein neurri hartu erabakitzeko. Vuelingen zuzendaritzak astelehen honetan emango ditu azalpenak.
Airelinearik salatuena
Kontsumitzaileen kexak jasotzen dituen reclamador.es atariaren arabera, Vueling izan zen iazko airelinearik salatuena. Enpresa kataluniarrak 8.000 kexatik gora jaso zituen, erreklamazio guztien %50,1.
Pablo Rabanal reclamador.es webguneko kideak otsailean azaldu zuenez, “Vuelingen salmenta kopuruak ikaragarri igo dira azkenaldian, baina baita kexak ere”. Horrez gain, arazoak konpontzerako orduan “enpresarik gatazkatsuena” dela adierazi du.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]