Lortuko al dute astelehen honetan Zaldibarko sua osorik amatatzea?

  • EITB-k igandean zabaldu zuenez, Iñaki Arriola Ingurumen sailburuak adierazi zuen astelehenerako espero zutela Zaldibarko zabortegiko sutea osorik itzaltzea.


2020ko otsailaren 17an - 11:19

Ez da hain ziur azaldu Gara-k elkarrizketatu duen Virginia Ormaetxea geologoak, EAEko geologoen elkarteko bozeramailea: "Ez baitzuten ongi neurtzen metanoa, ez dakite zenbat daukan zabortegiak". Astearte goizean jakingo da aurreikuspenak bete eta sutea itzali ahal izan duten zabortegia gainbehera etorri eta 12. egunerako.

 

Astelehen goizean euria hasi du eta zenbaitek uste izan du horrek hobetu zitzakeela zabortegiko suak itzaltzeko aukerak. Ez da uste berekoa Agustin Larrea geologoa, Zaldibarko krisia hasi zenetik EITBk behin baino gehiagotan kontsultatu duena. Larreak esan du euriak on egin diezaiokeela Debabarreneko jendeek arnasten duten aireari, garbitu bat emango diolako, baina urak ez duela konplikatu baizik egingo zabortegiko hondakin mendi kontrolgabearen egoera. Zakar pila barnetik erre-egosten duen su hori ezin da urez itzali, lurra, area edo buztina dira horiek amatatzeko ahalmena dutenak eta masa erraldoi horren gainera ur gehiago isurtzeak ez du eragingo maldaren egonkortasunik eza areagotzea baizik.

 

Erantzuna, astearte goizak ekarriko du.


Kanal honetatik interesatuko zaizu: Zaldibarko zabortegiaren krisia
Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


Zaldibarko zabortegira hondakinak baimenik gabe isurtzeagatik Lapurdiko bi enpresa zigortu dituzte

Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.


2023-10-03 | ARGIA
Zaldibarko zabortegiaren behin-behineko zigilatzea ere Jaurlaritzak ordainduko du

Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.


Eguneraketa berriak daude