LOMCE ez dutela “ez %90ean ez %50ean” nahi aldarrikatu dute milaka lagunek

  • LOMCEren aurkako eta hezkuntza eredu propioaren aldeko manifestazioak egin zituzten larunbatean Hego Euskal Herriko hiriburuetan. Antolatzaileen arabera, 19.000 lagun inguru bildu ziren.


2014ko urriaren 13an - 00:00
Azken eguneraketa: 2015-02-26 13:37:33
Iribas kontseilariaren dimisioa eskatu zuten Iruñean (argazkia: Ikasle Abertzaleak).
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Eusko Jaurlaritzatik eta Nafarroako Gobernutik lasaitasun mezuak eman arren, "azken hamarkada luzeetan inposatu nahi den legerik gogor eta atzerakoiena jada abian delarik eta hurrengo urteetan erabat garatzeko arriskua delarik, beraien jarrera guztiz larria eta arduragabea dela salatu nahi dugu. Beraien adierazpenekin, lege honen kontrako aktibazio eta edozein erantzun indargabetzea dute helburu", azaldu dute antolatzaileek.

LOMCE aplikatzeko marko legala egokitzen ari den José Iribas Hezkuntza kontseilari nafarraren dimisioa eskatu zuten Iruñeko manifestazioan. Cristina Uriarte Eusko Jaurlaritzako Hezkuntza sailburuari berriz, adierazi nahi izan zioten Espainiako Gobernuarekin lortutako akordioak ez diola benetan aurre egiten LOMCEri: "Jantzi oso bat behar baitugu, eta ez adabakiak". Bertsotan ere helarazi zuten mezua, Bilboko ekitaldian:

"Kanpo ebaluaketek eta

Erlijioak lehentasuna,

hezkuntz komunitatearen kontra

berebiziko jarduna.

Nahiz ta Cristina Uriartek saldu

zeozer lortu dugula,

nahi duguna da gure eskola

propioa ta euskalduna".

 

LOMCE desobeditzeko gida bideorri

Hezkuntza Plataformen Topagunea, EILAS, LAB, ELA, Ikasle Abertzaleak, Sortzen eta UEUk deituriko eta EHIGE, Ikastolen Elkartea eta EH-Bilduk babesturiko protesta hauetan, Gure Gida defendatu zuten, LOMCEren aurka egiteko tresna nagusi gisa. "LOMCEri gure ezezkoa adierazteaz gain, hau ez aplikatzeko konpromiso zehatza hartuko dugu", jakinarazi zuten.

Antolatzaileen esanetan, "legea ez betetzeak segurtasun gabezia eta ondorio kaltegarriak ekarriko lituzkeela entzuten ari gara maiz arduradun politikoen ahotan. Baina benetako kaltea, bai gure seme-alaba eta ikasleentzat, bai hezkuntzako langileentzat, baita herritar guztiontzat ere LOMCE bera garatzeak ekarriko luke. LOMCEri ezetz esatearekin batera alternatiba eraiki nahi dugu. Horretarako, beharrezkoa da elkarlanean eragitea. Badakigu indarra daukagula, ikasleok, familiek, hezitzaileok, langileok, herritarrok, denok".


Kanal honetatik interesatuko zaizu: LOMCE legea
Batxilergoko bost modalitate ezarriko ditu Lomloe lege berriak datorren ikasturtean

Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]


Edu Zabala eta Aitor Otaño
"Desobedientziaren bidea ere jorratu beharko dugu hezkuntzan"

Murgian ospatuko den Euskal Eskola Publikoaren jai atarian, hezkuntza arloko murrizketen aurka eta LOMCE lege-proposamenaren kontra borrokan diharduten bi elkartetako ordezkariekin bildu gara, Hezkuntzan Geu Eragileko Edu Zabala eta Denon Hezkuntzako Aitor Otañorekin... [+]


LOMLOE, trileroen jokoa

"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]


2020-11-06 | ARGIA
Lomce legearen ordezkoak ez ditu diruz lagunduko ikasleak sexuaren arabera bereizten dituzten ikastetxeak

LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]


LOMCE indargabetuko duen Hezkuntza Legeari argi berdea eman dio Espainiako Gobernuak

Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.


Bizi ala iraun?

“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]


Aldaketak LOMCEn: erlijioak eta itunpeko ikastetxeek pisu gutxiago izango dute

Hezkuntzako eta lanbide heziketako ministroak LOMCEri egingo dizkion aldaketak zehaztu ditu Diputatuen Kongresuan.


2018-06-05
Gazteok Euskal Herrian ikasi nahi dugu!

Erlojuaren orratzek egunari hasiera eman diote. Apunteak hartu eta korrika irten zara etxetik. Urduritasuna. Ordua da, heldu da azkenean. Tik-tak. Aurrera begira, lerro zuzenean eta bakarrik eserita. Isiltasuna. Hasi da azterketa, hasi da selektibitatea.


2018-04-20 | Topatu.eus
Azterketa arrotzen aurka Bilboko kaleak hartu dituzte ikasleek

Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea... [+]


Sexu bereizketa egiten duten eskolak diru publikoz laguntzea ontzat eman du Espainiako Auzitegi Konstituzionalak

Espainiako Estatuko Konstituzio Auzitegiak atzera bota du PSOEk LOMCE legearen aurka aurkeztutako errekurtsoa, eta ikasleak sexuaren arabera bereizten dituzten eskolei diru-laguntza publikoak ematea zilegitzat jo du.


2018-03-07 | Hala Bedi
LOMCE eta Heziberrik “inposatutako” azterketari planto egiten hasi dira Arabako zenbait zentro

San Ignacion, Luis Elejalden, Aresketan… planto egin diote LH 6. mailako kanpo ebaluazioari. Hezkuntza Plataformen Topagunetik kalifikazio sistema “inposatu” honi planto egiteko deia luzatu zuten eta elkarlanean ari dira ikasleak, irakasleak eta... [+]


2018-02-28 | Hala Bedi
LOMCE eta Heziberrik “inposatutako” azterketa Arabako 27 ikastetxetan egin nahi dute

Luis Dorao, San Martin, Lukas Rei, Barandiaran, Umandi… Arabako 27 ikastetxe hauetatik 19 publikoetan egin nahi ditu frogak Eusko Jaurlaritzak martxoaren 5etik aurrera Lehen Hezkuntzako 6. mailako ikasgeletan. DBHn ere Pisa azterketa egitera deituko dituzte 4. mailako... [+]


Euskal eliteen menpe

Berriki jakin ditugu euskal hezkuntzaren emaitza kezkagarriak. Duela luze ez dela, PISA txostenak (Ikasleen Ebaluaziorako Nazioarteko Programak) eman zigun lehen zaplaztekoa, emaitza oso kaskarrak lortu zituztelako gure ikasleek. Izan ere, sinetsarazi ziguten Eusko... [+]


Kanpo azterketen “negozioa” salatu eta baliorik ez dutela esan du Steilasek

Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.


Itxialdiak, greba egunak, borroka asteak eta elkarretaratzeak hezkuntzan

Hezkuntza arloan bero bukatu zen ikasturtea EAEn eta indartsu ekingo diete berriz murrizketen aurkako mobilizazioei: abendura bitartean, greba orokorra eta arloz arlokoa, itxialdiak, elkarretaratzeak, solasaldirako tarteak, salaketa egunak, borroka asteak eta manifestazioak... [+]


Eguneraketa berriak daude